Angpavittha Suttani

SR No.: 004390
Original Sutra Author: N/A
Author: Ratanlal Doshi, Parasmal Chandaliya
Publisher: Akhil Bharatiya Sadhumargi Jain Sanskruti Rakshak Sangh
Publication Year: 1982
Total Pages: 1476
Language: Sanskrit
Classification: Book_Devnagari, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 23 MB

Page 1178

णायाधम्मकहाओ अ.८ 1165 मझमज्झेणं जेणेव देसअंते तेणेव उवागच्छइ 2 ता खंधावारणिवेसं करेइ 2 ता जियसत्तूपामोक्खा छप्पि य रायाणो पडिवालेमाणे जुज्झसज्जे पडिचिट्ठइ। तए ण ते जियसत्तूपामोक्खा छप्पि य रायाणो जेणेव कुंभए तेणेव उवागच्छंति 2 ता कुंभएणं रण्णा सद्धि संपलग्गा यावि होत्था / तए णं ते जियसत्तुपामोक्खा छप्पि रायाणो कुंभयं रायं हयमहियपवरवीरघाइयणिवडियर्याचधद्धयप्पडागं किच्छप्पाणोवगयं दिसोदिसि पडिसेहिति / तए णं से कुंभए राया जियसत्तु. पामोहिं छहिं राईहिं हयमहिय जाव पडिसेहिए समाणे अत्थामे अबले अबी. रिए जाव अधारणिज्जमितिकटु सिग्धं तुरियं जाव वेइयं जेणेव मिहिला तेणेव उवागच्छइ 2 ता मिहिलं अणुपविसइ 2 ता मिहिलाए दुवाराई पिहेइ 2 त्ता रोहसज्जे चिट्ठइ / तए गं ते जियसत्तुपामोक्खा छप्पि रायाणो जेणेव मिहिला तेणेव उवागच्छंति 2 ता मिहिलं रायहाणि णिस्संचारं णिरुच्चारं सवओ समंता ओलंभित्ताणं चिट्ठति / तए णं से कुंभए राया मिहिलं राय. हाणि रुद्धं जाणित्ता अभंतरियाए उवट्ठाणसालाए सीहासणवरगए तेसि जियसत्तुपामोक्खाणं छण्हं राईणं छिद्दाणि य विवराणि य मम्माणि य अलभमाणे बहूहि आएहि य उवाएहि य उप्पत्तियाहि य 4 बुद्धीहिं परिणामेमाणे 2 किंचि आयं वा उवायं वा अलभमाणे ओहयमणसंकप्पे जाव झियायइ / इमं च णं मल्ली विदे० व्हाया जाव बहूहिं खुज्जाहिं परिवुडा जेणेव कुंभए तेणेव उवा. गच्छइ 2 ता कुंभगस्स पायग्गहणं करेइ / तए णं कुंभए राया मल्लि विदे. णो आढाइ णो परियाणाइ तुसिणीए संचिदुइ / तए णं मल्ली विदे० कुंभगं रायं एवं वयासी-तुब्भे गं ताओ ! अण्णया ममं एज्जमाणं जाव णिवेसेह, किण्णं तुब्भं अज्ज ओहय जाव झियायह ? तए गं कुंभए मल्लि विदे० एवं वयासी-एवं खलु पुत्ता ! तव कज्जे जियसत्तुपामो?हिं हिं राईहिं दूया संपेसिया। ते णं मए असक्कारिया जाव णिच्छूढा / तए गं ते जियसत्तूपामोक्खा तेसि दूयाणं अंतिए एयम→ सोच्चा परिकुविया समाणा मिहिलं रायहाणि णिस्संचारं जाव चिट्ठति / तए णं अहं पुत्ता | तेसि जियसत्तुपामोक्खाणं छण्हं राईणं अंतराणि अलभमाणे जाव झियामि / तए णं सा मल्ली विदे० कुंभयं रायं एवं वयासी-मा गं तुब्भे ताओ! ओहयमणसंकप्पा जाव झियायह तुम्भे णं ताओ ! तेसि जियसत्तुपामोक्खाणं छण्हं राईणं पत्तेयं 2 रहसियं दूय.