________________ णायाधम्मकहाओ अ. 8 1163 भन्मठेइत्ता चोक्खं परिवाइयं सक्कारेइ 2 0 आसणेणं उवणिमंतेइ / तए णं सा चोक्खा उदगपरिफासियाए जाव भिसियाए णिविसइ जियसत्तुं रायं रज्जे य जाव अंते उरे य कुसलोदंतं पुच्छइ। तए णं सा चोक्खा जियसत्तस्स रणो दाणधम्मं च जाव विहरइ / तए णं से जियसत्तू अप्पणो ओरोहंसि जाव विम्हिए (जायविम्हए) चोक्खं (परिवाइयं) एवं वयासी-तुमं णं देवाणुप्पिया ! बहुणि गामागर जाव (अडह) आहिंडसि बहण य राईसरगिहाई अणप्पविससि, तं अस्थियाई ते कस्सवि रणो वा जाव एरिसए ओरोहे दिट्टपुटवे जारिसए णं इमे मह उवरोहे ? तए णं सा चोक्खा परिवाइया जियसत्तं (रायं) एवं वयासी-ईसि अवहसियं करेइ 2 ता एवं वयासो-(एवं च) सरिसए गं तुमं देवाणुप्पिया ! तस्स अगडदद्दुरस्स। केस णं देवाणुप्पिए ! से अगडददुरे ? जियसत्त ! से जहाणामए अगडदद्दुरे सिया, से णं तत्थ जाए तत्थेव वुड्ढे अण्णं अगडं वा तलागं वा दहं वा सरं वा सागरं वा अपासमाणे चेवं मण्णइ-अयं चेव अगडे वा जाव सागरे वा.। तए णं तं कवं अण्णे सामदए दद्दुरे हव्वमागए / तए णं से कूबददुरे तं सामुद्दददुरं एवं वयासी-से केस गं तुम देवाणुप्पिया ! कत्तो वा इह हव्वमागए ? तए णं से सामुद्दए ददुरे तं कूबददुरं एवं वयासी-एवं खलु देवाणुप्पिया ! अहं सामुद्दए दद्दुरे / तए गं से कूवदद्दुरे तं सामुद्दयं ददुरं एवं वयासी-केमहालए णं देवाणुप्पिया ! से समुद्दे ! तए णं से सामुद्दए ददुरे तं कूवददुरे एवं वयासी-महालए णं देवाणुप्पिया ! समद्दे / तए णं से कूबददुरे पाएणं लीहं कड्ढेइ 2 ता एवं वयासी-एमहालए णं देवाणुप्पिया ! से समुद्दे ? णो इणठे समठे, महालए णं से समझे / तए णं से कवदद्दुरे पुरथिमिल्लाओ तीराओ उप्फिडित्ताणं [पच्चथिमिल्ल तीरं] गच्छइ 2 ता एवं वयासी-एमहालए णं देवाणुप्पिया ! से समुद्दे ? णो इणठे समढे (तहेव)। एवामेव तुमंपि जियसत्तू अणेसि बहूणं राईसर जाव सत्थवाहपभिईणं भज्ज वा भगिणि वा घूयं वा सुण्हं वा अपासमाणे जाणेसि जारिसए मम चेव णं ओरोहे तारिसए णो अण्णस्स / तं एवं खल जियसत्तू ! मिहिलाए णयरीए कुंभगस्स धूया पभावईए अत्तिया मल्लीणाम विदेहरायवरकण्णा रूवेण य जवणेण य जाव णो खल अण्णा काइ देवकण्णा वा जारिसिया मल्ली। विदेहवररायकण्णाए छिण्णस्स वि पायंगटुगस्स इमे तव ओरोहे सयसहस्सइमंपि कलंण अग्घइ-त्तिकटु जामेव दिसं पाउन्भूया
