________________ णायाधम्मकहाओ अ. 8 1161 गिक्खेवं करेइ 2 ता चित्तफलगं सज्जेइ 2 ता मल्लीए विदे० पायंगुट्ठाणुसारेण रूवं णिवत्तेइ 2 ता कवखंतरंसि छुटभइ 2 ता महत्थं जाव पाहुडं गेण्हइ 2 ता हथिणाउरं जयरं मज्झंमज्झेणं जेणेव अदीणसत्तू राया तेणेव उवागच्छइ 2 त्ता तं करयल जाव वद्धावेइ 2 ता पाहुडं उवणेइ 2 ता एवं वयासी-एवं खल अहं सामी ! मिहिलाओ रायहाणीओ कुंभगस्स रण्णो पुत्तेणं पमावईए देवीए अत्तएणं मल्लदिण्णणं कुमारेणं णिविसए आणत्ते समाणे इह हव्वमागए तं इच्छामि गं सामी ! तुभं बाहुच्छायापरिग्गहिए जाव परिवसित्तए / तए गं से अदीणसत्त राया तं चित्तगरदारयं एवं वयासी-किण्णं तुम देवाणप्पिया! मल्लदिण्णणं णिविसए आणत्ते ? तए णं से चित्तगरदारए अदीण. सत्तु रायं एवं वयासी-एवं खलु सामी ! मल्लदिणे कुमारे अण्णया कयाई चित्तगरसेणि सहावेइ 2 त्ता एवं वयासी-तुब्भे णं देवाणपिया ! मम चित. सभं० तं चेव सव्वं भाणियत्वं जाव मम संडासगं छिदावेइ 2 त्ता णिविसयं आणवेह, तं एवं खलु [अहं] सामी ! मल्लदिण्णेणं कुमारेणं णिव्विसए आणते। तए णं अदीणसत्त राया तं चित्तगरं एवं वयासी-से केरिसए णं देवाणप्पिया! तुमे मल्लीए वि० तहाणुरूवे रूवे णिवत्तिए ? तए णं से चित्तगरे कक्खंतराओ चित्तफलयं णीणेइ 2 ता अदीणसत्तुस्स उवणेइ 2 ता एवं वयासी-एस गं सामी ! मल्लीए वि० तयाणुरूवस्स रूवस्स केइ आगारभावपडोयारे णिव्वत्तिए, णो खलु सक्का. केणइ देवेण वा जाव मल्लीए विदेहरायवरकण्णाए तयाणुरूवे रूवे णिवत्तित्तए। तए णं (से) अदीणसत्तू (राया) पडिरूव. जणियहासे दूयं, सहावेइ 2 त्ता एवं वयासी-तहेव जाव पहारेत्थ गमणाए (5) // 50 // तेणं कालेणं तेणं समएणं पंचाले जणवए। कंपिल्लेपुरे गयरे। जियसत्तू णामं राया पंचालाहिवई / तस्स णं जियसत्तुस्त धारिणीपामोक्खं देविसहस्सं ओरोहे होत्था / तत्थ णं मिहिलाए चोक्खा णामं परिवाइया रिउव्वेय जाव (सु)परिणिट्ठिया यावि होत्था / तए णं सा चोक्खा परिवाइया मिहिलाए बहणं राईसर जाव सत्यवाहपभिईणं पुरओ दाणधम्मं च सोयधम्मं च तित्या. भिसेयं च आघवेमाणी पण्णवेमाणी परूवेमाणी उवदंसेमाणी विहरइ / तए गं सा चोक्खा परिवाइया अण्णया कयाई तिदंडं च कुंडियं च जाव धाउर. ताओ य गेण्हइ 2 ता परिव्वाइगावसहाओ पडिणिक्खमइ 2 ता पवि.
