Angpavittha Suttani

SR No.: 004390
Original Sutra Author: N/A
Author: Ratanlal Doshi, Parasmal Chandaliya
Publisher: Akhil Bharatiya Sadhumargi Jain Sanskruti Rakshak Sangh
Publication Year: 1982
Total Pages: 1476
Language: Sanskrit
Classification: Book_Devnagari, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 23 MB

Page 1172

णायाधम्मकहाओ अ. 8 1159 वयासी-किं णं तुब्भे देवाणुप्पिया ! कुंभएणं रणा णिविसया आणत्ता ? तए णं ते सुवण्णगारा संखं एवं वयासी-एवं खलु सामी ! कुंभगस्स रण्णो धूयाए पभावईए देवीए अत्तयाए मल्लीए कुंडलजुयलस्स संधी विसंघडिए / तए णं से कुंभए सुवण्णगारसेणि सद्दावेद जाव णिव्विसया आणत्ता / तं एएणं कारणेणं सामी ! अम्हे कुंभएणं णिदिवसया आणत्ता। तए णं से संखे सुवण्णगारे एवं वयासी-केरिसिया णं देवाणुप्पिया ! कुंभगस्स धूया पभावईदेवीए अत्तया मल्ली विदेहरायवरकण्णा ? तए णं ते सुवण्णगारा संख रायं एवं वयासी-णो खलु सामी ! अण्णा कावि तारिसिया देवकण्णा वा जाव जारि. सिया णं मल्ली विदेहवररायकण्णा। तए णं से संखे कुंडल (जुअल)जणिय. हासे दूयं सद्दावेइ जाव तहेव पहारेत्थ गमणाए (4) // 79 // तेणं कालेणं तेणं समएणं कुरुजणवए होत्था / हत्थिणाउरे गयरे / अदीणसत्तू णामं राया होत्था जाव विहरइ / तत्थ गं मिहिलाए [तस्स गं] कुंभगस्स पुत्ते पभावईए अत्तए मल्लीए अणु ( मग्ग) जायए मल्लदिण्णए णामं कुमारे जाव जुवराया यावि होत्था / तए गं मल्लदिण्णे कुमारे अण्णया कोडंबियपुरिसे सद्दावेइ 2 ता एवं वयासी-गच्छह गं तुम्भे मम पमदवणंसि एगं महं चित्तसभं करेह अणेग जाव पच्चप्पिणंति / तए णं से मल्लदिण्णे चित्तगरसेणि सहावेइ 2 ता एवं वयासी-तुब्भे णं देवाणुप्पिया ! चित्तसभं हावभावविलासबिब्बोयकलिएहि रूवेहि चित्तेह जाव पच्चप्पिणह / तए णं सा चित्तगरसेणी तहत्ति पडिसुणेइ 2 ता जेणेव सयाई गिहाइं तेणेव उपागच्छइ 2 त्ता तूलियाओ वण्णए य गेण्हइ 2 ता जेणेव चित्तसभा तेणेव ( उवागच्छइ 2 ता) अणप्पविसइ 2 त्ता भूमिभागे विरयइ 2 त्ता भूमि सज्जेइ 2 ता चित्तसभं हावभाव जाव चित्तेउं पयत्ता यावि होत्था / तए णं एगस्स चित्तगरस्स इमेयारूवा चित्तगर. लद्धी लद्धा पत्ता अभिसमण्णागया-जस्स णं दुपयस्स वा चउपयस्स वा अपयस्स वा एगदेसमवि पासइ तस्स णं देसाणुसारेणं तयाणुरूवं णिवत्तेइ / तए णं से चित्तगरदारए मल्लीए जवणियंतरियाए जालंतरेण पायंगुठं पासइ / तए णं. तस्स (णं) चित्तगरस्स इमेयारूवे अज्झथिए जाव समुप्पज्जित्थासेयं खलु ममं मल्लीए वि० पायंगट्टाणुसारेणं सरिसगं जाव गुणोववेयं रूवं णिवत्तित्तए / एवं संपेहेइ 2 ता भूमिभागं सज्जेइ 2 ता मल्लीए वि०