________________ णायाधम्मकहाओ अ. 8 1157 उक्किटुसरीरा जाया यावि होत्था / तीसे णं सुबाहुए दारियाए अण्णया चाउ. म्मासियमज्जणए जाए यावि होत्था। तए णं से रुप्पी कुणालाहिवई सुबाहुए दारियाए चाउम्मासियमज्जणयं उवट्ठियं जाणइ जाणइत्ता कोडंबियपुरिसे सद्दावेइ 2 ता एवं वयासी-एवं खलु देवाणुप्पिया ! सुबाहुए दारियाए कल्लं चाउम्मासियमज्जणए भविस्सइ / तं कल्लं तुब्भे गं रायमग्गमोगाढंसि (चउ. वकसि) मंडवंसि जलथलयदसद्धवण्णमल्लं साहरेह जाव सिरिदामगंडे ओलइंति। तए णं से रुप्पी कुणालाहिवई सुवण्णगारसेणि सद्दावेइ 2 ता एवं वयासीखिप्पामेव भो देवाणुप्पिया ! रायमग्गमोगादसि पुप्फमंडवंसि णाणाविहपंच. वर्णोह तंदुलेहि जयरं आलिहह तस्स बहुमज्झदेसभाए पट्टयं रएह जाव पच्चप्पिणंति / तए णं से रुप्पी कुणलाहिवई हत्थिखंधवरगए चाउरंगिणीए सेणाए महया भडचडगर जाव अंतेउरपरियालसंपरिवडे सुबाहुं दारियं पुरओ कट्ट जेणेव रायमग्गे जेणेव पुष्फमंडवे तेणेव उवागच्छइ 2 ता हत्थिखंधाओ पच्चोरुहइ 2 त्ता पुप्फमंडवे अणप्पविसइ २त्ता सीहासणवरगए पुरत्था. भिमुहे सण्णिसण्णे / तए णं ताओ अंतेउरियाओ सुबाहुं दारियं पट्टयंसि दुरू. हेति 2 त्ता सेयापीयएहिं कलसेहिं पहाणेति २त्ता सवालंकारविभसियं करेंति 2 ता पिउणो पायंवंदिउं उवणेति / तए णं सुबाह दारिया जेणेव रुप्पी राया तेणेव उवागच्छइ 2 ता पायग्गहणं करेइ / तए णं से रुप्पी राया सुबाहुं दारियं अंके णिवेसेइ 2. त्ता सुबाहुए दारियाए रूवेण य जोवणेण य लाव. ण्णण य जाव विम्हिए(जायविम्हए) वरिसधरं सद्दावेइ 2 ता एवं वयासी-तुम गं देवाणुप्पिया ! मम दोच्चेणं बहूणि गामागरणगरगिहाणि अणुप्पविससि, तं अत्थियाइं ते कस्सइ रणो वा ईसरस्स वा कहिंचि एयारिसए मज्जणए दिदः पुटवे जारिसए गं इमीसे सुबाहदारियाए मज्जणए ? तए णं से वरिसधरे रुप्पि करयल जाव एवं वयासी-एवं खलु सामी! अहं अण्णया तुभेणं दोच्चेणं मिहिलं गए, तत्थ गं मए कुंभगस्स रण्णो धूयाए पभावईए देवीए अत्तयाए मल्लीए विदेहरायवरकण्णगाए मज्जणए दिठे, तस्स णं मज्जणगस्स इमे सुबाहुएदारियाए मज्जणए सयसहस्सइमंपि कलं ण अग्घेइ / तए णं से रुप्पी राया वरिस. धरस्स अंतिए एयमठे सोच्चा णिसम्म (सेसं तहेव) मज्जणगजणियहासे दूयं सद्दावेइ जाव जेणेव मिहिला णयरी तेणेव पहारेत्थ गमणाए (3) // 78 // तेणं
