________________ 1154 अंग-पविट्ठ सुत्ताणि भूमि पमज्जइ 2 ता ठाणं ठाइ 2 त्ता करयल जाव एवं वयासी-णमोत्यु णं अरहंताणं जाव संपत्ताणं, जइ णं अहं एत्तो उवसग्गाओ मुंचामि तो मे कप्पइ पारित्तए, अह णं एत्तो उवसग्गाओ ण मुंचामि तो मे तहा पच्चक्खा. एयवे-त्ति कटु सागारं भत्तं पच्चक्खाइ / तए णं से पिसायरूवे जेणेव अरहण्णए समणोवासए तेणेव उवागच्छइ 2 ता अरहणणगं एवं वयासी-हं भो ! अरहणगा ! अपत्थियपत्थिया ! जाव परिवज्जिया ! णो खलु कप्पइ तव सीलव्वयगुणवेरमणपच्चक्खाणे पोसहोववासई चालित्तए वा एवं खोभे. तए वा खडित्तए वा भंजित्तए वा उज्झित्तए वा परिच्चइत्तए वा / तं जई णं तुमं सीलवयं जाव ण परिच्चयसितो ते अहं एयं पोयवहणं दोहिं अंगुलियाहिं गेहामि 2 ता सत्तद्वतलप्पमाणमेत्ताई उड्ढं वेहासं उविहामि 2 ता अंतो. जलंसि णिच्छोलेमि जेणं तुमं अट्टदुहवसट्टे असमाहिपत्ते अकाले चेव जीवियाओ ववरोविज्जसि / तए णं से अरहण्णए समणोवासए तं देवं मणसा चेव एवं वयासी-अहं णं देवाणु प्पिया ! अरहण्णए णामं समणोवासए अहिगयजीवाजीवे, णो खलु अहं सक्का केणइ देवेण वा जाव णिग्गंथाओ पावयणाओ चालित्तए वा खोभित्तए वा विपरिणामेत्तए वा, तुम णं जा सद्धा तं करेहि-त्तिकटु अभीए जाव अभिण्णमहरागणयणवणे अदीणविमणमाणसे णिच्चले णिफंदे तुसिणीए धम्मज्झाणोवगए विहरइ / तए णं से दिवे पिसायरूवे अरहणगं समणोवासगं दोच्चपि तच्चपि एवं वयासी-हं भो अरहणगा! जाव अदीगविमण. माणसे णिच्चले णिप्फंदे तुसिणीए धम्मज्झाणोवगए विहरइ / तए णं से दिव्वे पिसायरूवे अरहणणगं धम्मज्झाणोवगयं पासइ 2 त्ता बलियतरागं आसु. रुत्ते तं पोयवहणं दोहिं अंगुलियाहिं गिण्हइ 2 ता सत्तद्वतलाई जाव अरह. ण्णगं एवं वयासी-हं भो अरहणणगा ! अपत्थियपत्थिया ! णो खल कप्पइ तव सीलव्वय तहेव जाव धम्मज्झाणोवगए विहरइ / तए णं से पिसायरूवे अरहाणगं जाहे णो संचाएइ णिग्गंथाओ० चालित्तए वा ताहे उवसंते जाव णिविणे तं पोयवहणं सणियं 2 उरि जलस्स ठवेइ 2 ता तं दिव्वं पिसाय. रूवं पडिसाहरइ 2 ता दिव्वं देवरूवं विउवइ 2 त्ता अंतलिक्खपडिवणे सखिखिणियाइं जाव परिहिए अरहणणगं समणोवासगं एवं वयासी-हं भो अर. हण्णगा ! धण्णोऽसि णं तुमं देवाणुप्पिया ! जाव जीवियफले जस्स णं तव
