Angpavittha Suttani

SR No.: 004390
Original Sutra Author: N/A
Author: Ratanlal Doshi, Parasmal Chandaliya
Publisher: Akhil Bharatiya Sadhumargi Jain Sanskruti Rakshak Sangh
Publication Year: 1982
Total Pages: 1476
Language: Sanskrit
Classification: Book_Devnagari, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 23 MB

Page 1162

णायाधम्मकहाओ अ.८ 1149 होत्था / तए णं सा मल्ली देसूणवाससयजाया ते छप्पिय रायाणो विउलेण ओहिणा आभोएमाणी 2 विहरइ तंजहा-पडिबुद्धि जाव जियसत्तुं पंचालाहिवई / तए णं सा मल्ली कोडुंबियपुरिसे सद्दावेइ 2 ता एवं वयासी-तुन्भे गं 'देवाणुप्पिया ! असोगवणियाए एगं महं मोहणघरं करेह अणेगखंभसयसण्णिविठें / तस्स णं मोहणघरस्स बहुमज्झदेसभाए छ गब्भघरए करेह / तेसि गं गब्भघरगाणं बहुमज्झदेसभाए जालघरयं करेह / तस्स णं जालघरयस्स बहुमज्झ. देसभाए मणिपेढियं करेह जाव पच्चप्पिणंति / तए णं (सा) मल्ली मणिपेढियाए उरि अप्पणो सरिसियं सरित्तयं सरिव्वयं सरिसलावण्णजोव्वणगुणोववेयं कणगामई मत्थयच्छिडं पउमप्पलपिहाणं पडिमं करेइ 2 ता जं विउलं असणं 4 आहारेइ तओ मणण्णाओ असणाओ 4 कल्लाकल्लि एगमेगं पिडं गहाय तीसे कणगामईए मत्थयछिड्डाए जाव पडिमाए मत्थयंसि पविखवमाणी 2 विहरइ / तए णं तीसे कणगामईए जाव मत्थयछिड्डाए पडिमाए एगमेगंसि पिंडे पक्खिप्प. माणे 2 तओ गंधे पाउन्भवइ से जहाणामए अहिमडेइ वा जाव एत्तो अणिटुतराए अमणामतराए [चेव] // 74 / / तेणं कालेणं तेणं समएणं कोसला णामं जणवए / तत्थ णं सागेए णाम णयरे। तस्स णं उत्तरपुरच्छिमे दिसीमाए एत्थ णं (महं एगे) महेगे णागधरए होत्था दिव्वे सच्चे सच्चोवाए संणिहियपाडिहेरे। तत्थ गं सागए.णयरे पडिबुद्धी णामं इक्खागुराया परिवसइ पउमावई देवी सुबुद्धी अमच्चे सामदंड० / तए गं पउमावईए देवीए अण्णया कयाई णागजण्णए यावि होत्था / तए गं सा पउमावई णागजण्णमुवट्टियं जाणित्ता जेणेव पडिबुद्धी० करयल जाव एवं वयासी-एवं खलु सामी ! मम कल्लं णागजण्णए (यावि) भविस्सइ, तं इच्छामि गं सामी ! तुहि अन्मणुण्णाया समाणी णागजण्णयं गमित्तए, तुभवि णं सामी ! मम णागजण्णयंसि समोसरह / तए णं पडिबुद्धी पउमावईए देवीए एयमझें पडिसुणेइ / तए णं पउँमावई पडिबुद्धिणा रण्णा अन्भणण्णाया समाणी हद्वतुट्ठा जाव कोडुबियपुरिसे सद्दावेइ 2 त्ता एवं वयासी-एवं खलु देवाणुप्पिया! मम कल्लं णागजण्णए भविस्सइ / तं तुब्भे मालागारे सद्दावेह 2 त्ता एवं वयह-एवं खल पउमावईए देवीए कल्लं ‘णागजण्णए भविस्सइ / तं तुब्भे गं देवाणुप्पिया ! जलथलय० दसद्धवणं मल्लं णागघरयंसि साहरह एगं च णं महं सिरिदामगंडं उवणेह / तए णं जलथलय०