Angpavittha Suttani

SR No.: 004390
Original Sutra Author: N/A
Author: Ratanlal Doshi, Parasmal Chandaliya
Publisher: Akhil Bharatiya Sadhumargi Jain Sanskruti Rakshak Sangh
Publication Year: 1982
Total Pages: 1476
Language: Sanskrit
Classification: Book_Devnagari, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 23 MB

Page 1152

णायाधम्मकहाओ अ. 7 1139 तेणं कालेणं तेणं समएणं रायगिहे णाम णयरे होत्था / सुभूमिभागे उज्जाणे / तत्थ गं रायगिहै णयरे धण्णे णामं सत्थवाहे परिवसइ अड्ढे जाव अपरिभूए / भद्दा भारिया-अहीणचिदियसरीरा जाव सुरूवा / तस्स गं धण्णस्स सत्थवाहस्स पुत्ता भद्दाए भारियाए अत्तया चत्तारि सत्थवाहदारगा होत्था तंजहाधणपाले धणदेवे धणगोवे धणरक्खिए / तस्स णं धण्णस्स सत्थवाहस्स चउण्हं पुत्ताणं भारियाओ चत्तारि सुण्हाओ होत्था तंजहा-उज्झिया भोगवइया रक्ख इया रोहिणिया / तए णं तस्स धण्णस्स सत्थवाहस्स अण्णया कयाई पुश्वरत्तावरत्तकालसमयंसि इमेयारूवे अज्झस्थिए जाव समुप्पज्जित्था-एवं खलु अहं रायगिहे पयरे बहूणं ईसरतलवर जाव पभिईणं सयस्स कुडुंबस्स बहूसु कज्जेसु य कारणे (करणिज्ज) सु य कोडंबेसु य मंतणेसु य गुज्झेसु रहस्सेसु णिच्छएसु ववहारेसु य आपुच्छणिज्जे पडिपुच्छणिज्जे मेढी पमाणे आहारे आलंबणे चक्खू मेढी-पमाणमए सम्वकज्जवट्टाए / तं ण णज्जइ जं मए गयंसि वा चयंसि वा मयंसि वा भग्गंसि वा लुग्गंसि वा सडियंसि वा पडियंसि वा विदेसत्थंसि वा विप॑वसियंसि वा इमस्स कुडुंबस्स कि मण्णे आहारे वा आलंबे वा पडिबंधे वा भविस्सइ / तं सेयं खलु मम कल्लं जाव जलते विपुलं असणं 4 उवक्खडावेत्ता मित्तणाइ० चउण्ह य सुण्हाणं कुलघरवग्गं आमंतेत्ता तं मित्तणाइणियगसयंण. चउण्ह य सुण्हाणं कुलघरवग्गं विपुलेणं असणं 4 धूवपुष्फवत्थगंध जाव सिक्कारेत्ता सम्माणेत्ता तस्सेव मित्तणाइ चउण्ह य सुण्हाणं कुलघरवग्गस्स पुरओ चउण्हं सुण्हाणं परिक्खणट्टयाए पंच 2 सालि. अक्खए दलइत्ता जाणामि ताव का किहं वा सारक्खेइ वा संगोवेइ वा संवडढेइ वा? एवं संपेहेइ 2 ता कल्लं जाव मित्तणाइ० चउण्हं सुण्हाणं कुलघरवग्गं आमतेइ 2 ता विपुलं असणं 4 उवक्खडावेइ तओ पच्छा हाए भोयणमंडवंसि सुहासणवरगए मित्तणाइ० चउण्ह य सुण्हाणं कुलघरवग्गेणं सद्धि तं विपुलं असणं 4 जाव सक्कारेइ सम्माणेइ स० 2 ता तस्सेव मित्तणाइ० चउण्ह य सुण्हाणं कुलघरवग्गस्स पुरओ पंच सालिअवखए गेहइ 2 ता जेट्टा सुण्हा उज्झिइया तं सद्दावेद 2 ता एवं वयासी-तुम णं पुता ! मम हत्थाओ इमे पंच सालिअक्खए गेण्हाहि 2 ता अणुपुव्वेणं सारक्खमाणी संगोवेमाणी विहराहि / नया गं अहं पुत्ता! तुम इमेपंच सालिअक्खए जाएज्जा तया गं तुमं मम इमे पंच