Angpavittha Suttani

SR No.: 004390
Original Sutra Author: N/A
Author: Ratanlal Doshi, Parasmal Chandaliya
Publisher: Akhil Bharatiya Sadhumargi Jain Sanskruti Rakshak Sangh
Publication Year: 1982
Total Pages: 1476
Language: Sanskrit
Classification: Book_Devnagari, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 23 MB

Page 1137

1124 अंग-पविट्ठ सुत्ताणि कुम्मए गुत्तिदिए / एवं खलु जंबू ! समणेणं भगवया महावीरेणं च उत्थस्स णायज्झयणस्स अयमठे पण्णत्तेत्ति बेमि // 55 // गाहाउ-विसएसु इंदिआई रुंभंता रागदोसणिम्मुक्का / पावंति णिव्वुइसुहं कुम्मत्व मयंगदहसोक्खं // 1 // अवरे उ अणत्थपरंपरा उ पावेंति पावकम्मवसा / संसारसागरगया गोमा. उग्गसियकुम्मोय // 2 // ॥च उत्थं अज्झयणं समत्तं // सेलगे णामं पंचमं अज्झयणं जइणं भंते ! समणेणं भगवया महावीरेणं चउत्थस्स णायज्झयगस्स अयमलें पण्णत्ते पंचमस्स णं भंते ! णायज्झयणस्स के अट्ठे पण्णते? एवं खलु जंबू ! तेणं कालेणं तेणं समएणं बारवई णामं णयरी होत्था पाईणपड़ीणायया उदीणदाहिणवित्थिण्णा णव जोयगवित्थिण्णा दुवालसजोयणायामा धणवइमइणिम्माया चामीयरपवरपागारा णाणामणिपंचवण्णकविसीसगसोहिया अलयापुरिसंकासा पमइयपक्कीलिया पच्चक्खं देयलोयभया। तीसे णं बारवईए णयरीए बहिया उत्तरपुरच्छिमे दिसीभाए रेवयगे णाम पव्वए होत्था तुंगे गगणतलमगुलिहंत. सिहरे णाणाविहगुच्छगुम्मलयावल्लिपरिगए हंसमिगमयूरकोंचसारसचकवा. यमयणसालकोइलकुलोववेए अणेगतडकडगवियरउज्झर (य) पवायपभार. सिहरपउरे अच्छरगणदेवसंघचारणविज्जाहरमिहणसंविचिण्णे णिच्चच्छगए दसारवरवीरपुरिसतेलोक्कबलवगाणं सोमे सुभगे पियासणे सुरुवे पासाईए 4 / तस्स णं रेवयगस्स अदूरसामंते एत्थ णं गंदणवणे णामं उज्जाणे होत्या सव्वोउयपुप्फफलसमिद्धे रम्मे गंदणवणप्पगासे पासाईए 4 / तस्स णं उज्जा. णस्स बहुमज्झदेसभाए सुरप्पिए णामं जक्खाययणे होत्था दिव्वे वणओ। तत्थ णं बारवईए णयरीए कण्हे णामं वासुदेवे राया परिवसइ / से गं तत्थ समुह विजयपामोक्खाणं दसहं दसाराणं बलदेवपामोक्खाणं पंचण्हं महावीराणं उग्गसेगपामोक्खाणं सोलसहं राईसहस्साणं पज्जुग्णपामोखाणं अद्धदाणं कुमारकोडीणं संबपामोक्खाणं सट्ठीए दुदंतसाहस्सीणं वीरसेण. पामोक्खाणं एक्कबीसाए वीरसाहस्सीणं महासेणपामोक्खाणं छप्पण्णाए बलवग. साहस्सीणं रुप्पिणीपामोक्खाणं बत्तीसाए महिलासाहस्सीणं अणंगसेणापामो.