Angpavittha Suttani

SR No.: 004390
Original Sutra Author: N/A
Author: Ratanlal Doshi, Parasmal Chandaliya
Publisher: Akhil Bharatiya Sadhumargi Jain Sanskruti Rakshak Sangh
Publication Year: 1982
Total Pages: 1476
Language: Sanskrit
Classification: Book_Devnagari, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 23 MB

Page 1110

णायाधम्मकहाओ अ. 1 1097 समंता आधावमाणे परिधावमाणे एगं च णं महं सरं अप्पोदयं पंकबहुलं अति. स्थेणं पाणियपाए उइण्णो / तत्थ णं तुमं मेहा ! तीरमइ गए पाणियं असंपत्ते अंतरा चेव सेयंसि विसणे / तत्थ गं तुम मेहा ! पाणियं पाइस्सामि त्तिकट्ट हत्थं पसारेसि, से वि य ते हत्थे उदगं ण पावइ / तए णं तुम मेहा ! पुणरवि कायं पच्चुद्धरिस्सामि-त्तिकटु बलियतरायं पंकसि खुत्ते। तए णं तुम मेहा ! अण्णया कयाइ एगे चिरणिज्जूढे गयवरजवाणए सगाओ जूहाओ करचरणदंतमुसलप्पहारेहिं विप्परद्ध समाणे तं चेव महद्दहं पाणी (यं पाएउं) यपाए समोय. रेइ / तए णं से कल भए तुमं पासइ 2 ता तं पुत्ववेरं सुमरइ 2 ता आसुरुत्ते रुटठे कूविए चंडिक्किए मिसिमिसेमाणे जेणेव तुमं तेणेव उवागच्छइ 2 ता तुम तिखेहि दंतमुसलेहि तिक्खुत्तो पिटुओ उच्छुभइ 2 ता पुत्ववेरं णिज्जाएइ 2 ता हट्ठतुळे पाणियं पियइ 2 त्ता जामेव दिसि पाउब्भूए तामेव दिसि पडि. गए / तए णं तव मेहा ! सरीरगंसि वेयणा पाउभवित्था उज्जला विउला तिउला कक्खडा जाव दुरहियासा पितज्जरपरिगयसरीरे दाहवक्कतीए यावि विहरित्था / तए गं तुम मेहा ! तं उज्जलं जाव दुरहियासं सत्तराईदियं वेयणं वेदेसि सवीसं वाससयं परमाउं पालइत्ता अट्टवसदृदुहट्टे कालमासे कालं किच्चा इहेव जंबुद्दीवे 2 भारहे वासे दाहिणड्डभरहे गंगाए महाणईए दाहिणे कूले विझगिरिपायमले एगेणं मतवरगंधहत्थिणा एगाए गयवरकरेणूए कुच्छिसि गयकलभए जणिए / तए गं सा गयकलभिया णवण्हं मासाणं वसंतमासम्मि तुमं पयाया। तए गं तुम मेहा ! गब्भवासाओ विप्पमक्के समाणे गयकलभए यावि होत्था रत्तप्पलरत्तसूमालए जासुमणारत्तपारिजातयलक्खारससरसकुंकुम. संझन्भरागवण्णे इठे णियगस्स जूहवइणो गणि (या)यारकणेरुकोत्थहत्थी अणेगहत्यिसयसंपरिबुडे रम्मेसु गिरिकाणणेसु सुहंसुहेणं विहरसि / तए गं तुम मेहा! उम्मक्कबाल मावे जोव्वणगमणुप्पत्ते जूहव इणा कालधम्मुणा संजुत्तेणं तं जूहं सयमेव पडिवज्जसि / तए गं तुम मेहा ! वणयरेहि णिवत्तियणामधेजे जाव चउदंते मेरुप्पभे हत्थिरयणे होत्था / तत्थ गं तुम मेहा ! सत्तंगपइट्ठिए तहेव जाव पडिरूवे / तत्थं णं तुमं मेहा ! सत्तसइयस्स जूहस्स आहेवच्चं जाव अभि. रमेत्था / तए णं तुम अण्णया कयाइ गिम्हकालसमयंसि जेट्ठामूले वणदवजालापलितेसू वर्णतेसु सुधमाउलासु दिसासुजाव मंडलवाएव्व परिब्भमते भीए तत्थे जाव संजायभए बहूहि हत्थीहि य जाव कलभियाहि य सद्धि संपरिबुडे सवओ