________________ 1066 अंग-पविट्ट सुत्ताणि गच्चासणे णाइदूरे सुस्सूसमाणे णमंसमाणे अभिमुहे पंजलिउडे विणएणं पज्जवासमाणे एवं वयासी-जइ णं भंते ! समणेणं भगवया महावीरेणं आइगरेणं तित्थगरेणं सयंसंबद्धणं पुरिसुत्तमेणं पुरिससोहेणं पुरिसबरपुंडरीएणं पुरिसवर. गंधहत्थिणा लोगुत्तमेणं लोगणाहेणं लोगहिएणं लोगपईवेणं लोगपज्जोयगरेणं अभयदएणं सरणदएणं चक्खुदएणं मग्गदएणं बोहिदएणं धम्मदएणं धम्मदेसएणं धम्मणायगेणं धम्मसारहिणा धम्मवरचाउरंतचक्कट्टिणा अप्पडिहयवरणाण. दंसणधरेणं वियट्टछ उमेणं जिणेणं जा (व) णएणं तिणेणं तारएणं बुद्धणं बोह. एणं मत्तेणं मोयगेणं सव्वण्णणं सव्वदरिसिणा सिवमयलमरुयमणंतमक्ख यमवा. बाहमपुणरावित्तियं सासयं ठाणमवगएणं पंचमस्स अंगस्स अयमठे पणत्ते, छठुस्स गं अंगस्स णं भंते ! णायाधम्मकहाणं के अट्ठे पण्णत्ते ? जबत्ति अज्जसुहम्मे थेरे अज्जजंबणाम अणगारं एवं वयासी--एवं खलु जंब ! समणेणं भगवया महावीरेणं जाव संपत्तेणं छट्ठस्स अंगस्स दो सुयक्खंधा पण्णता, तंजहाणायाणि य धम्मकहाओ य / जइ णं भंते ! समणेगं भगवया महावीरेणं जाव संपत्तेणं छट्ठस्स अंगस्स दो सुयक्खंधा पणत्ता तंजहा-णायाणि य धम्मकहाओ या पढमस्स णं भंते ! सुयक्खंधस्स समणेणं जाव संपत्तेणं णायाणं कइ अज्झयणा पण्णत्ता ? एवं खलु जंबू ! समणेणं जाव संपत्तेणं णायाणं एगूणवीसं अज्झयणा पण्णत्ता, तंजहा-उक्खित्तणाए संघाडे अंडे कुम्मे य सेलगे / तंबे य रोहिणी मल्ली मायंदी चंदिमाइय॥१॥ दावद्दवे उदगणाए मंडक्के तेयली वि य / गंदी. फले अवरकंका आइण्णे सुंसुमाइ य॥२॥'अवरे य पुंडरीए णायए एगणवीस. इमे // 5 // जइ णं भंते ! समणेणं जाव संपत्तेणं णायाणं एगणवीसा अज्झयणा पण्णत्ता तंजहा-उक्खित्तणाए जाव पुंडरीए (त्ति) य, पढमस्स णं भंते ! अज्झयणस्स के अट्ठे पण्णत्ते ? एवं खलु जंबू ! तेणं कालेणं तेणं समएणं इहेव जंबुद्दीवे दीवे भारहे वासे दाहिणड्डभरहे रायगिहे णामं णयरे होत्था / वण्णओ। गुणसिलए चेइए / वण्णओ / तत्थ णं रायगिहे पयरे सेणिए णाम राया होत्था / महया हिमवंत० वण्णओ / तस्स णं सेणियस्स रणो गंदा णामं देवी होत्था सुकुमालपाणिपाया वण्णओ // 6 // तस्स णं सेणियस्स पुत्ते णंदाए देवीए अत्तए अभए णामं कुमारे होत्था अहीणपंचिदियसरीरे जाव सुरूवे सामदंडभेय. उवप्पयाणणीइसुप्पउत्तणयविहिष्णू ईहावूहमग्गणगवेसणअत्थसत्थमइविसारए
