________________ 1062 अंग-पविट्ट सुत्ताणि मेयं भंते ! तहमेयं भंते ! अवितहमेयं भंते ! असंदिद्धमेयं भंते ! इच्छियमेयं भंते ! पडिच्छियमेयं भंते ! इच्छियपडिच्छियमेयं भंते ! सच्चे गं एसमझें जे णं तुम्भे वयह त्ति कटु अपूइवयणा खल अरिहंता भगवंतो, समणं भगवं महावीरं वंदइ णमंसइ वंदित्ता णमंसित्ता संजमेणं तवसा अप्पाणं भावे. माणे विहरइ // 866 // . इक्कचत्तालीसइमं रासीजुम्मसयं समत्तं ॥परिसेसो॥ सव्वाए भगवईए अट्टतीसं सगं सयाणं 138 उद्देसगाणं 1925 / चुलसीय सयसहस्सा पयाण पवरवरणाणदंसीहि / भावाभावमगंता पणत्ता एत्थमंगंमि // 1 // तवणियमविणयवेलो जयइ सया णाणविमलविउलजलो / हेउसयविउलवेगो संघसमुद्दो गुणविसालो ॥२॥णमो . गोयमाईणं गणहराणं, णमो भगवईए विवाहपण्णत्तीए, णमो दुवालसंगस्स गणिपिडगस्स // गाहा-कुम्मसुसंठियचलणा, अमलियकोरंटबॅटसंकासा / सुयदेवया भगवई मम मइतिमिरं पणासेउ // 1 // पणत्तीए आइमाणं अटूण्हं सयाणं दो दो उद्दे. सगा उद्दिसिज्जंति णवरं चउत्थे सए पढमदिवसे अट्ठ बिइयदिवसे दो उद्देसगा उद्दिसिज्जंति, णवमाओ सयाओ आरद्धं जावइयं जावइयं एइ तावइयं-तावइयं एगदिवसेणं उहिसिज्जइ उक्कोंसेणं सयंपि एगदिवसेणं मज्झिमेणं दोहि दिवसेहि सयं जहणेणं तिहि दिवसेहि सयं एवं जाव वीसइमं सयं, णवरं गोसालो एगदिवसेणं उद्दिसिज्जइ जइ ठिओ एगेण चेव आयंबिलेण अणुण्णवह अहण्णं ठिओ आयंबिलेणं छठेणं अणुण्णवइ, एक्कवीसबावीसतेवीसइ. माइं सयाई एक्केक्कदिवसेणं उद्दिसिज्जंति, चउवीसइमं सयं दोहि दिवसेहिं छ छ उद्देसगा, पंचवीसइमं दोहि दिवसेहि छ छ उद्देसगा, बंधिसयाइं अनुसयाई एगेणं दिवसेणं सेढिसयाई बारस एगेणं एगिदियमहाजुम्मसयाई बारस एगेणं एवं बेइंदियाणं बारस तेइंदियाणं बारस चरिदियाणं बारस एगेण असण्णिपंचिदियाणं बारस सण्णिपंचिंदियमहाजुम्मसयाई एक्कवीसं एगदिवसेणं उद्दिसिज्जति रासीजुम्मसयं एगदिवसेणं उद्दिसिज्जइ / गाहाओ-वियसियअरविंदकरा णासियतिमिरा सुयाहिया देवी / मज्झपि देउ मेहं बुहविबुहणमंसिया णिच्चं
