________________ 1058 अंग-पविटु सुत्ताणि रासीजुम्मकलिओगे, से तेणठेणं जाव कलिओगे / रासीजुम्मकडजुम्मणेरइया णं भंते ! कओ उववज्जति० ? उववाओ जहा वक्कंतीए / ते णं भंते जीवा एगसमएणं केवइया उववज्जति ? गोयमा ! चत्तारि वा अट्ठ वा बारस वा सोलस वा संखेज्जा वा असंखेज्जा वा उववज्जति / ते णं भंते ! जीवा कि संतरं उववज्जति णिरंतरं उववज्जति ? गोयमा ! संतरंपि उववज्जति णिरं. तरंपि उववज्जंति, संतरं उववज्जमाणा जहणणं एक्कं समयं उक्कोसेणं असं. खेज्जा समया अंतरं कट्ट उववज्जति, णिरंतरं उववज्जमाणा जहणणं दो समया उक्कोसेणं असंखेज्जा समया अणुसमयं अविरहियं णिरंतरं उववति / ते णं भंते ! जीवा जं समयं कडजुम्मत तं समयं तेओगा जं समयं तेओगा तं समयं कडजुम्मा ? गोयमा ! णो इणठे समठे। जं समयं कडजुम्मा तं समयं दावरजुम्मा जं समयं दावरजुम्मा तं समयं कडजुम्मा ? णो इणढे समझें / जं समयं कडजम्मा तं समयं कलिओगा जसमयं कलिओगा तंसमयं कडजम्मा ? णो इणठे समठे। ते णं भंते ! जीवा कहिं उववज्जति ? गोयमा ! से जहा. णामए पवए पवमाणे एवं जहा उववायसए जाव णो परप्पओगेण उववज्जति / ते णं भंते ! जीवा कि आयजसेणं उववज्जंति' आयअजसेणं उववज्जति ? गोयमा ! णो आयजसेणं उववज्जति आयअजसेणं उववज्जति / जइ आयअजसेणं उववज्जति कि आयजसं उवजीवंति आयअजसं उवजीवंति ? गोयमा ! णो आयजसं उवजीवंति आयअजसं उवजीवंति / जइ आयअजसं उवजीवंति कि सलेस्सा अलेस्सा? गोयमा ! सलेस्सा णो अलेस्सा / जइ सलेस्सा कि सकिरिया अकिरिया ? गोयमा ! सकिरिया णो अकिरिया / जइ सकिरिया तेणेव भवग्गहणेणं सिझंति जाव अंतं करेंति ? णो इणठे समठे / रासी. जम्मकडजम्मअसुरकुमारा गं भंते ! कओ उववज्जति०? जहेव गैरइया तहेव गिरवसेसं एवं जाव पंचिदियतिरिक्खजोणिया णवरं वणस्सइकाइया जाव असंखेज्जा वा अणंता वा उववज्जति सेसं तं चेव, मणुस्सावि एवं चेव जाव णो आयजसेणं उववज्जति आयअजसेणं उववज्जति / जइ आयअजसेणं उववज्जति कि आयजसं उवजीवंति आयअजसं उवजीवंति ? गोयमा ! आय. जसंपि उवजीवंति आयअजसंपि उवजीवंति / जइ आयजसं उवजीवंति कि सलेस्सा अलेस्सा ? गोयमा ! सलेस्सावि अलेस्सावि / जइ अलेस्सा कि सकि.
