________________ भगवई स. 37-38 1053 वइजोगी कायजोगी सेसं जहा बेइंदियाणं चेव पढमुद्देसए / सेवं भंते ! सेवं भंते ! त्ति / एवं एएवि जहा एगिदियमहाजुम्मसु एक्कारस उद्देसगा तहेव भाणियव्वा णवरं चउत्थछट्टअट्ठमदसमेसु सम्मत्तणाणाणि ण भण्णंति, जहेव एगिदिएसु पढमी तइओ पंचमो य एक्कगमा सेसा अट्ट एक्कगमा // 36 इमे सए पढमं बेइंदियमहाजम्मसयं समत्तं // 1 // कण्हलेस्सकडम्मरबेइंदिया गं भंते ! कओ उववज्जंति० ? एवं चेव कण्हलेस्सेसुवि एक्कारसउद्देसगसंजुत्तं सयं, गवरं लेस्सा संचिट्ठणा ठिई जहा एगिदियकण्हलेस्साणं / बिइयं बेइंदियसयं समत्तं // 2 // एवं णीललेस्सेहिवि सयं / तइयं सयं समत्तं // 3 // एवं काउलेस्से. हिवि, चउत्थं सयं समत्तं // 4 // भवसिद्धियकडजुम्मरबेइंदिया गं भंते ! एवं भवसिद्धियसयावि चत्तारि तेणेव पुव्वगमएणं यन्वा णवरं सन्वे पाणा० णो इणठे समठे, सेसं तहेव ओहियसयाणि चत्तारि / सेवं भंते ! सेवं भंते ! त्ति / छत्तीसइमे सए अट्ठमं सयं समत्तं // 8 // जहा भवसिद्धियसयाणि चत्तारि एवं अभवसिद्धियसयाणि चत्तारि भाणियन्वाणि गवरं सम्मत्तणाणाणि सव्वेहि णत्थि, सेसं तं चेव, एयाणि बारस बेइंदियमहाजम्मसयाणि भवंति / सेवं भंते ! सेवं भंते ! त्ति // 56 // बेइंदियमहाजुम्मसया समत्ता // 12 // छत्तीसइमं सयं समत्तं // सत्ततीसइमं सयं // कडजुम्मरतेइंदिया ‘णं भंते ! कओ उववज्जति ? एवं तेईदिएसुवि बारस सया कायव्वा बेइंदियसयसरिसा णवरं-ओगाहणा जहण्णेणं अंगुलस्स असंखेज्जइमागं उक्कोसेणं तिण्णि गाउंयाई, ठिई जहण्णेणं एक्कं समयं उक्कोसेणं एगणपण्णं राइंदियाई, सेसं तहेव / सेवं भंते ! सेवं भंते ! ति // 86 // तेइंदियमहाजम्मसया समत्ता // 12 // सत्ततीसइमं सयं समत्तं // // अटुतीसइमं सयं // चरिदिएहिवि एवं चेव बारस सया कायव्वा णवरं ओगाहणा जहण्णेणं अंगलस्स असंखेज्जइमागं उक्कोसेणं चत्तारि गाउयाई, ठिई जहणणं एक्कं समयं उक्कोसेणं छम्मासा, सेसं जहा बेइंदियाणं / सेवं भंते ! 2 ति // 861 // चरिदियमहाजम्मसया समत्ता // 12 // अतृतीसइमं सयं समत्तं //
