________________ भगवई स. 34-2 उ. 1-11 1045 उववज्जति.? जहेव ओहिए उद्देसओ भणिओ तहेव / अणंतरोववण्णगएगिदि. याणं भंते !- कइ समुग्घाया प० ? गोयमा ! दोण्णि समुग्धाया प०, तं०वेयणासमुग्घाए य कसायसमुग्याए य / अणंतरोववण्णगएगिदिया णं भंते ! कि तुल्लट्ठिईया तुल्लविसेसाहियं कम्मं पकरेंति पुच्छा तहेव ? गोयमा ! अत्थेगइया तुल्लट्टिईया तुल्लविसेसाहियं कम्मं पकरेंति अत्थेगइया तुल्लट्ठिईया वेमाय. विसेसाहियं कम्म पकरेंति / से केणठेणं भंते ! जाव वेमायविसेसाहियं कम्म पकरेंति ? गोयमा ! अणंतरोववण्णगा एगिदिया दुविहा प०, तं०-अत्थेगइया समाउया समोववण्णगा अत्थेगइया समाउया विसमोववण्णगा, तत्थ णं जे ते समाउया समोववण्णगा ते णं तुल्लटिईया तुल्लविसेसाहियं कम्मं पकरेंति, तत्थ णं जे ते समाउया विसमोववण्णगा ते गं तुल्लट्ठिईया वेमायविसेसाहियं कम्म पकरेंति, से तेण→णं जाव वेमायविसेसाहियं कम्मं पकरेंति / सेवं भंते ! 2 त्ति // 851 // 34-1-2 // कइविहा णं भंते ! परंपरोववण्णगा एगिदिया प० ? गोयमा ! पंचविहा परंपरोववण्णगा एगिदिया प०, तं०-पुढविक्काइया भेओ चउक्कओ जाव वणस्सइकाइयत्ति / परंपरोववण्णगअपज्जत्तसुहमपुढविकाइए गं भंते ! इमीसे रयणप्पभाए पुढवीए पुरथिमिल्ले चरिमंते समोहए 2 ता जे भविए इमोसे रयणप्पमाए पुढवीए जाव पच्चस्थिमिल्ले चरिमंते अपज्जत्तसुहुमपुढविकाइयत्ताए उववज्जित्तए०? एवं एएणं अभिलावेणं जहेव पढमो उसओ जाव लोगचरिमंतोत्ति / कहिणं भंते ! परंपरोववण्णगबायरपुढविकाइयाणं ठाणा प० ? गोयमा ! सट्टाणेणं अट्ठसु पुढवीसु एवं एएणं अभिलावेणं जहा पढमे उद्देसए जाव तुल्लटिईयत्ति / सेवं भंते ! 2 त्ति // 34-1-3 // एवं सेसावि अट्ठ उद्देसगा जाव अचरिमोत्ति, णवरं अणंतरा अणंतरसरिसा परंपरा परंपरसरिसा चरिमा य अचरिमा य एवं चेव, एवं एए एक्कारस उद्देसगा // 852 // 34-1-11 // पढम एगिदियसेढिसयं समत्तं / कइविहा गं भंते ! कण्हलेस्सा एगिदिया प० ? गोयमा! पंचविहा कण्हलेस्सा एगिदिया प० भेओ चउक्कओ जहा कण्हलेस्सएगिदियसए जाव वणस्सइकाइयत्ति / कण्हलेस्सअप. ज्जत्तसुहुमपुढविकाइए णं भंते ! इमीसे रयणप्पभाए पुढवीए पुरथिमिल्ले एवं एएणं अभिलावेणं जहेव ओहिउद्देसओ जाव लोगचरिमंतेत्ति सव्वत्थ कण्हलेस्सेसु चेव उववाएयव्वो। कहिण्णं भंते ! कण्हलेस्सअपज्जत्तगबायरपुढविकाइ
