________________ भगवई स. 34-1 उ.१ 1043 तिसमइयचउसमइयविग्गहो सेसं तहेव, दाहिणिल्ले समोहओ उत्तरिल्ले चरिमंते उववाएयत्वो जहेव सटाणे तहेव एगसमइयदुसमइयतिसमइयचउसमइयविग्गहो पुरथिमिल्ले जहा पच्चस्थिमिल्ले तहेव दुसमइयप्तिसमइयचउसमइयविग्गहो, पच्चथिमिल्ले चरिमंते समोहयाणं पच्चथिमिल्ले चेव उववज्जमाणाणं जहा सट्टाणे,उत्तरिल्ले उववज्जमाणाणं एगसमइओ विग्गहो णत्थि, सेसं तहेव, पुरस्थिमिल्ले जहा सट्टाणे, दाहिणिल्ले एगसमइओ विग्गहो णत्थि, सेसं तं चेव, उत्तरिल्ले समोहयाणं उत्तरिल्ले चेव उववज्जमाणाणं जहेव सदाणे, उत्तरिल्ले समोहयाणं पुरथिमिल्ले उववज्जमाणाणं एवं चेव णवरं एगसमइओ विग्गहो णत्थि, उत्तरिल्ले समोयाणं दाहिणिल्ले उववज्जमाणाणं जहा सट्टाणे, उत्तरिल्ले समोहयाणं पच्चस्थिमिल्ले उववज्जमाणाणं एगसमइओ विग्गहो णत्थि, सेसं तहेव जाव सुहमवणस्सइकाइओ पज्जत्ताओ सुहुमवणस्सइकाइएसु पज्जत्तएसु चेव। कहिण्णं भंते ! बायरपुढ विकाइयाणं पज्जत्तगाणं ठाणा प० ? गोयमा ! सट्टा गेणं अट्ठसु पुढवीसु जहा ठाणपए जाव सुहुमवणस्सइकाइया जे य पज्जत्तगा जे य अपज्जत्तगा ते सव्वे एगविहा अविसेसमणाणता सव्वलोगपरियावण्णा 50 समणाउसो ! अपज्जत्तसुहमपुढविकाइयाणं भंते ! कइ कम्मप्पगडीओ पण्णताओ ? गोयमा ! अट्ठ कम्मप्पगडीओ 50, तं०-णाणावरणिज्जं जाव अंतराइयं, एवं चउक्कएणं भेएणं जहेव एगिदियसएसु जाव बायरवणस्सइकाइयाणं पज्जत्तगाणं / अपज्जत्तसुहमपुढविकाइया णं भंते ! कइ कम्मप्पगडीओ बंधंति ? गोयमा ! सत्तविहबंधगावि अट्ठविहबंधगावि जहा एगिदियसएसु जाव पज्जत्ता बायरवणस्सइकाइया। अपज्जत्तसुहमपुढ विकाइया णं भंते ! का कम्मपगडीओ वेदेति ? गोयमा ! चउद्दस कम्मप्पगडीओ वेदेति, तंजहा-- णाणावरणिज्जं जहा एगिदियसएसुजाव पुरिसवेयवज्झं एवं जाव बायरवणस्सइ. काइयाणं पज्जत्तगाणं / एगिदिया णं भंते ! कओ उववज्जति कि रइएहितो उववज्जति० ? जहा वक्कंतीए पुढविक्काइयाणं उववाओ। एगिदियाणं भंते ! कइ समुग्घाया प० ? गोयमा! चत्तारि समुग्धाया प०, तंजहा-वेयणासमुग्धाए जाव वेउब्वियसमुग्घाए / एगिदिया गं भंते ! कि तुल्लटिईया तुल्लविसेसा. हियं कम्मं पकरेंति तुल्लट्ठिईया वेमायविसेसाहियं कम्मं पकरेंति वेमायट्टिईया तुल्लविसेसाहियं कम्मं पकरेंति वेमायट्टिईया वेमायविसेसाहियं कम्मं पकरेंति ?
