________________ 1034 अंग-पविटु सुत्ताणि काइयाणं भंते ! कइ कम्मप्पगडीओ प० ? गोयमा ! अट्ठ कम्मप्पगडीओ 50, तं०-णाणावरणिज्जं जाव अंतराइयं, एवं जाव अणंतरोववण्णाबायरवणस्सइकाइयाणंति / अणंतरोववण्णगसुहमपुढविकाइया णं भंते ! कइ कम्मप्पगडीओ बंधंति ? गोयमा ! आउयवज्जाओ सत्त कम्मप्पगडीओ बंधंति, एवं जाव अणंतरोववण्णगबायरवणस्सइकाइयत्ति। अणंतरोववण्णगसुहुमपुढविकाइया गं भंते ! कइ कम्मप्पगडीओ वेदेति ? गोयमा ! चउद्दस कम्मप्पगडीओ वेदेति, तं०-णाणावरणिज्जं तहेव जाव पुरिसवेयवज्झं, एवं जाव अणंतरोववण्णगबायरवणस्सइकाइयत्ति / सेवं मंते ! सेवं भंते ! ति // 844 // 33-1-2 // काविहा णं भंते ! परंपरोववण्णगा एंगिदिया प० ? गोयमा ! पंचविहा परं. परोववण्णगा एगिदिया प०, तं०-पुढविक्काइया एवं चउक्कओ भेओ जहा ओहियउद्देसए। परंपरोववण्णगअपज्जत्तसुहमपुढविकाइयाणं भंते ! कइ कम्म. प्पगडीओ प० ? एवं एएणं अभिलावेणं जहा ओहियं उद्देसए तहेव गिरवसेसं भाणियव्वं जाव चउद्दस वेति / सेवं भंते ! 2 त्ति // 845 // 33-1-3 // अणंतरोगाढा जहा अणंतरोववण्णगा 4 // परंपरोगाढा जहा परंपरोववण्णगा 5 // अणंतराहारगा जहा अणंतरोववण्णगा 6 ॥'परंपराहारगा जहा परंपरो. ववण्णगा 7 // अणंतरपज्जत्तगा जहा अणंतरोववण्णगा 8 // परंपरपज्जतगा जहा परंपरोववण्णगा 6 // चरिमावि जहा परंपरोववण्णगा तहेव 10 / / एवं अच. रिमावि 11 // एवं एए एक्कारस उद्देसगा। सेवं भंते ! 2 त्ति जाव विहरइ // 846 // पढम एगिदियसयं समत्तं // 1 // कइविहा गं भंते ! कण्हलेस्सा एगिदिया प० ? गोयमा ! पंचविहा कण्हलेस्सा एगिदिया पण्णत्ता, तंजहापुढविकाइया जाव वणस्सइकाइया / कण्हलेस्सा णं भंते ! पुढविकाइया कविहा पण्णत्ता ? गोयमा ! दुविहा पण्णत्ता, तंजहा- सुहुमपुढविकाइया य बायरपुढविकाइया य / कण्हलेस्सा णं भंते ! सुहुमपुढविकाइया कइविहा 50 ? गोयमा ! एवं एएणं अभिलावेणं चउक्कभेओ जहेव ओहिए उद्देसए जाव वणस्सइकाइयत्ति / कण्हलेस्सअपज्जत्तसुहुमपुढविकाइयाणं भते.! कइ कम्मप्पगडीओ प० ? एवं चेव एएणं अभिलावेणं जहेव ओहिउद्देसए तहेव पण्णताओ तहेव बंधंति तहेव वेदेति / सेवं भंते ! 2 त्ति / कइविहा गं भंते ! अणंतरोववण्णगा कण्हलेस्सा एगिदिया पण्णत्ता ? गोयमा ! पंचविहा अणंतरोव.
