________________ 1014 अंग-पविट्ठ सुत्ताणि णिज्जकम्मविउसग्गे जाव अंतराइयकम्मविउसग्गे, सेतं कम्मविउसग्गे सेतं भावविउसग्गे, सेत्तं अभितरए तवे / सेवं भंते ! सेवं भंते ! ति // 803 // पंचवीसइमं सयं 8-12 उद्देसा रायगिहे जाव एवं वयासी-जेरइया णं भंते ! कहं उववज्जति ? गोयमा ! से जहाणामए पवए पवमाणे अज्झवसाणणिव्वत्तिएणं करणोवाएणं सेयकाले तं ठाणं विप्पजहिता पुरिमं ठाणं उवसंपज्जित्ताणं विहरइ एवामेव एएवि जीवा पवओविव पवमाणा अज्झवसाणिव्वत्तिएणं करणोवाएणं सेयकाले तं भवं विप्पजहित्ता पुरिमं भवं उवसंपज्जित्ताणं विहरति / तेसि गं भंते ! जीवाणं कह सीहा गई कहं सीहे गइविसए प० ? गोयमा ! से जहाणामए केइ पुरिसे तरुणे बलवं एवं जहा चउद्दसमसए पढमद्देसए जाव तिसमएण वा विग्गहेणं उववज्जंति, तेसि गं जीवाणं तहा सीहा गई तहा सोहे गइविसए प० / ते गं भंते ! जीवा कहं परमवियाउयं पकरेंति ? गोयमा ! अज्मवसाणजोगणिवत्तिएणं करणोवाएणं एवं खलु ते जीवा परभवियाउं पकरेंति / तेसि गं भंते ! जीवाणं कह गई पवत्तइ ? गोयमा ! आउक्खएणं भवक्खएणं ठिइक्खएणं, एवं खलु तेसि जीवाणं गई पवत्तइ / तेणं भंते ! जीवा कि आइड्ढीए उववज्जति परिड्ढीए उववज्जति ? गोयमा ! आइड्ढीए उववज्जति णो परिड्ढीए उववज्जति / ते गं भंते ! जीवा किं आयकम्मणा उववज्जति परकम्मणा उववज्जति ? गोयमा ! आयकम्मणा उववज्जति णो परकम्मुणा उववज्जति / ते गं भंते ! जीवा कि आयप्पओगेणं उववज्जति परप्पओगेणं उववज्जति ? गोयमा ! आयप्पओगेणं उववज्जति णो परप्प ओगेणं उववज्जति / असुरकुमारा गं भंते ! कहं उववज्जति ? जहा मेरइया तहेव गिरवसेसं जाव णो परप्पओगेणं उववज्जंति, एवं एगिदियवज्जा जाव वेमाणिया, एगिदिया तं चेव णवरं चउसमइओ विग्गहो, सेसं तं चेव / सेवं भंते ! 2 त्ति जाव विहरइ // 804 // 25 // 8 // भवसिद्धियणेरइया गं भंते ! कह उववज्जति ? गोयमा ! से जहाणामए पवए पवमाणे अवसेसं तं चेव जाव वेमाणिए / सेवं भंते ! २त्ति // 805 // 25 // 6 // अभवसिद्धिय रइया णं भंते ! कहं उववज्जति ? गोयमा ! से जहाणामए पवए पवमाणे अवसेसं तं चेव एवं जाव वेमाणिए / सेवं भंते ! 2 ति // 806 // 25 // 10 //
