________________ 998 अंग-पविट्ट सुत्ताणि सत्तविहउदीरए वा अट्टविहउदीरए वा छव्विहउदीरए वा पंचविहउदीरए वा, सत्त उदीरेमाणे आउयवज्जाओ सत्त कम्मप्पगडीओ उदीरेइ, अटू उवीरेमाणे पडिपुण्णाओ अट्ठ कम्मप्पगडीओ उदीरेइ, छ उदीरेमाणे आउयवेयणिज्जवज्जाओ छ कम्मप्पगडीओ उदीरेइ, पंच उदीरेमाणे आउयवेयणिज्जमोहणिज्जवज्जाओ पंच कम्मप्पगडीओ उदीरेइ / णियंठे-पुच्छा, गोयमा! पंचविह उदीरए वा दुविह. उदीरए वा, पंच उदीरेमाणे आउयवेयणिज्जमोहणिज्जवज्जाओ पंच कम्मप्पगडीओ उदीरेइ, दो उदीरेमाणे णामं च गोयं च उदीरेइ / सिणाए णं पुच्छा, गोयमा ! दुविहउदीरए वा अणुदीरए वा, दो उदीरेमाणे णामं च गोयं च उदीरेइ 23 // 772 // पुलाए णं भंते ! पुलायत्तं जहमाणे किं जहइ कि उवसंपज्जइ ? गोयमा ! पुलायत्तं जहइ कसायकुसीलं वा अस्संजमं वा उवसंपज्जइ / बउसे णं भते ! बउसत्तं जहमाणे कि जहइ कि उवसंपज्जइ ? गोयमा ! बउसत्तं नहइ पडिसेवणाकुसोल वा कसायकुसीलं वा अस्संजमं वा संजमासंजमं वा उवसंपज्जइ। पडिसेवणाकुसीले णं भंते ! पडिसेवणाकुसीलत्तं०पुच्छा, गोयमा ! पडिसेवणाकुसीलत्तं जहइ बउसं वा कसायकुसीलं वा अस्संजमं वा संजमासं जमं वा उवसंपज्जइ / कसायकुसीले णं पुच्छा, गोयमा ! कसायकुसीलत्तं जहइ पुलायं वा बउसं वा पडिसेवणाकुसीलं वा णियंठ वा अस्संजमं वा संजमासजमं वा उवसंपज्जइ / णियंठे गं पुच्छा, गोयमा ! णियंठत्तं जहइ कसायकुसीलं वा सिणायं वा अस्संजमं वा उवसंपज्जइ / सिणाए णं पुच्छा; गोयमा ! सिणायत्तं नहइ सिद्धिगई उवसंपज्जइ 24 // 773 // पुलाए गं भंते ! कि सणोवउत्ते होज्जा णोसण्णोवउत्ते होज्जा ? गोयमा ! णो सण्णोवउत्ते होज्जा / बउसे गं भंते ! पुच्छा, गोयमा ! सण्णोवउत्ते वा होज्जा णोसण्णोवउत्ते वा होज्जा, एवं पडिसेवणाकुसीलेवि, एवं कसायकुसीलेवि णियंठे सिणाए य जहा पुलाए 25 // 774 // पुलाए गं भंते ! किं आहारए होज्जा अणाहारए होज्जा ? गोयमा ! आहारए होज्जा णो अणाहारए होज्जा, एवं जाव णियंठे / सिणाए गं पुच्छा, गोयमा ! आहारए वा होज्जा अणाहारए वा होज्जा 26 / / 775 / / पुलाए गं भंते ! कइ भवग्गहणाई होज्जा ? गोयमा ! जहणेणं एक्कं उक्कोसेणं तिण्णि / बउसे णं पुच्छा, गोयमा ! जहणेणं एक्क उक्कोसेणं अट्ठ, एवं पडिसेवणाकुसीलेवि, एवं कसायकुसीलेवि, णियंठे जहा
