________________ 996 अंग-पविट्ट सुत्ताणि सिणाए 17 // 766 // पुलाए गं भंते ! किं सकसाई होज्जा अकसाई होज्जा? गोयमा ! सकसाई होज्जा णो अकसाई होज्जा / जइ संकसाई होज्जा से गं भंते ! कइसु कसाएसु होज्जा ? गोयमा! चउसु कोहमाणमायालोभेसु होज्जा, एवं बउसेवि, एवं पडिसेवणाकुसीलेवि / कसायकुसीले गं-पुच्छा, गोयमा ! सकसाई होज्जा णो अकसाई होज्जा, जइ सकसाई होज्जा से णं भंते ! कइसु कसाएसु होज्जा ? गोयमा ! चउसु वा तिसु वा दोसु वा एगम्मि वा होज्जा, चउसु होमाणे चउसु संजलणकोहमाणमायालोभेसु होज्जा, तिसु होमाणे तिसु संजलणमाणमायालोभेसु होज्जा, दोसु होमाणे संजलणमायालोभेसु होज्जा, एगम्मि होमाणे एगम्मि संजलणलोभे होज्जा / णियंठे गं पुच्छा, गोयमा ! णो सकसाई होज्जा अकसाई होज्जा / जइ अकसाई होज्जा कि उवसंतकसाई होज्जा खीणकसाई होज्जा ? गोयमा उवसंतकसाई वा होज्जा खीणकसाई वा होज्जा, सिणाए एवं चेव, गवरं णो उवसंतकसाई होज्जा, खीणकसाई होज्जा 18 // 767 // पुलाए णं भंते ! कि सलेस्से होज्जा अलेस्से होज्जा ? गोयमा ! सलेस्से होज्जा णो अलेस्से होज्जा / जइ सलेस्से होज्जा से णं भंते ! कइसु लेस्सासु होज्जा ? गोयमा ! तिसु विसुद्धलेस्सासु होज्जा, तं०-तेउलेस्साए पम्हलेस्साए सुक्कलेस्साए, एवं बउसस्सवि, एवं पडिसेवणाकुसीलेवि / कसायकुसीले पुच्छा, गोयमा ! सलेस्से होज्जा णो अलेस्से होज्जा। जइ सलेस्से होज्जा से णं भंते ! कइसु लेस्सासु होज्जा ? गोयमा / छसु लेस्सासु होज्जा, तं०-कण्हलेस्साए जाव सुक्कलेस्साए / णियंठे गं भंते ! पुच्छा, गोयमा ! सलेस्से होज्जा णो अलेस्से होज्जा / जइ सलेस्से होज्जा से णं भंते ! कइसु लेस्सासु होज्जा? गोयमा ! एक्काए सुक्कलेस्साए होज्जा। सिणाए पुच्छा, गोयमा ! सलेस्से वा होज्जा अलेस्से वा होज्जा / जइ सलेस्से होज्जा से णं भंते ! कइसु लेस्सासु होज्जा ? गोयमा ! एगाए परमसुक्क लेस्साए होज्जा 16 // 768 // पुलाए णं भंते ! किं वड्डमाणपरिणामे होज्जा हीयमाणपरिणामे होज्जा अवट्ठियपरिणामे होज्जा ? गोयमा ! वड्डमाणपरिणामे वा होज्जा हीयमाणपरिणामे वा होज्जा अवट्टियपरिणामे वा होज्जा, एवं जाव कसायकुसीले / णियंठे गं पुच्छा, गोयमा ! वड्डमाणपरिणामे होज्जा, णो हीय. माणपरिणामे होज्जा, अवट्ठियपरिणामे वा होज्जा, एवं सिणाएवि / पुलाए णं भंते ! केवइयं कालं वड्डमाणपरिणामे होज्जा ? गोयमा !. जहणेणं एवक
