________________ भगवई स. 25 उ. 6 993 णिकाले होज्जा किं दूसमदूसमाकाले होज्जा 6 पुच्छा, गोयमा ! जम्मणं पडुच्च णो दुस्समदुस्समाकाले होज्जा जहेव पुलाए, संतिभावं पडुच्च णो दूसमदूसमाकाले होज्जा णो दूसमाकाले होज्जा एवं संतिभावेणवि जहा पुलाए जाव गो सुसमसुसमाकाले होज्जा, साहरणं पडुच्च अण्णयरे समाकाले होज्जा / जह णोओसप्पिणिणोउस्सप्पिणिकाले होज्जा० पुच्छा, गोयमा ! जम्मणसंति. भावं पडुच्च णो सुसमसुसमापलिभागे होज्जा जहेव पुलाए जाव दूसमसुसमापलिभागे होज्जा, साहरणं पड़च्च अण्णयरे पलिभागे होज्जा, जहा बउसे एवं पडिसेवणाकुसीले वि,एवं कसायकुसीलेवि,णियंठो सिणाओ य जहा पुलाओ, णवरं एएसि अमहियं साहरणं भाणियत्वं, सेसं तं चेव 12 // 761 // पुलाए गंभंते ! कालगए समाणे कं गई गच्छइ ? गोयमा ! देवगई गच्छइ / देवगई गच्छमाणे कि भवणवासीसु उववज्जेज्जा वाणमंतरेसु उववज्जेज्जा जोइसियवेमाणिएसु उवव. ज्जेज्जा ? गोयमा ! णो भवणवासीसु उ० णो वाणमंतरेसु उ० णो जोइ. सिएसु उ० वेमाणिएसु उववज्जेज्जा, वेमाणिएसु उववज्जमाणे जहण्णेणं सोहम्मे कप्पे उक्कोसेणं सहस्सारे कप्पे उववज्जेज्जा, बउसे गं एवं चेव णवरं उक्को. सेणं अच्चुए कप्पे, पडिसेवणाकुसीले जहा बउसे, कसायकुसीले जहा पुलाए, णवरं उक्कोसेणं अणुत्तरविमाणेसु उववज्जेज्जा, णियंठे णं भंते ! एवं चेव, एवं जाव वेमाणिएसु उववज्जमाणे अजहण्णमणुक्कोसेणं अणुत्तरविमाणेसु उववज्जेज्जा। सिणाए गं भंते ! कालगए समाणे कं गई गच्छइ ? गोयमा ! सिद्धिगई गच्छह। पुलाए णं भंते ! देवेसु उववज्जमाणे कि इंदत्ताए उववज्जेज्जा सामा. णियत्ताए उववज्जेज्जा, तायत्तीसगत्ताए उववज्जेज्जा लोगपालत्ताए उववज्जे. ज्जा अहमिदत्ताए उववज्जेज्जा ? गोयमा ! अविराहणं पड़च्च इंदत्ताए उववज्जेज्जा सामाणियत्ताए उववज्जेज्जा तायत्तीसगत्ताए वा उववज्जेज्जा लोगपालगत्ताए उववज्जेज्जा णो अहमिदत्ताए उववज्जेज्जा, विराहणं पडुच्च अण्णयरेसु उववज्जेज्जा, एवं बउसेवि, एवं पडिसेवणाकुसीलेवि / कसायकुसीले पुच्छा, गोयमा ! अविराहणं पड़च्च इंदत्ताए वा उववज्जेज्जा जाव अहमिदताए उववज्जेज्जा विराहणं पडुच्च अण्णयरेसु उववज्जेज्जा / णियंठे पुच्छा, गोयमा! अविराहणं पड़च्च णो इंदत्ताए उववज्जेजा जाव णो लोगपालत्ताए उवव. ज्जेज्जा अहमिदत्ताए उववज्जेज्जा, विराहणं पडुच्च अग्णयरेसु उववज्जेज्जा।
