________________ अनंगपविट्ठसुत्ताणि पडिणिक्खमइ माणवगं चेइयखंभं लोमहत्थएणं पमजह दिव्वाए दगधाराए सरसेणं गोसीसचंदणेणं चच्चए दलयइ पुप्फारुहणं जाव धूवं दलयइ जेणेव सीहासणे तं चेव, जेणेव देवसयणिजे तं चेव जेणेव खुड्डागमहिंदज्झए तं चेव, जेणेव पहरणकोसे चोप्पालए तेणेव उवागच्छइ लोमहत्थगं परामुसइ पहरणकोसं चोप्पालं लोमहत्थएणं पमजइ दिव्वाए दगधाराए सरसेणं गोसीसचंदणेणं दलेइ पुप्फारुहणं आसत्तोसत्त० धूवं दलयइ, जेणेव सभाए सुहम्माए बहुमज्झदेसभाए जेणेव मणिपेढिया जेणेव देवसयणिजे तेणेव उवागच्छइ लोमहत्थगं परामुसइ देवसयणिजं च मणिपेढियं च लोमहत्थएणं पमजइ जाव धूवं दलयइ जेणेव उववायसभाए दाहिणिल्ले दारे तहेव अभिसेयसभा सरिसं जाव पुत्थिमिल्ला. गंदा पुक्खरिणी जेणेव हरए तेणेव उवागच्छइ तोरणे य तिसोवाणे य सालभंजियाओ य वालरूवए य तहेव, जेणेव अभिसेयसभा तेणेव उवागच्छइ तहेव सीहासणं च मणिपेढियं च सेसं तहेव आययणसरिसं जाव पुरथिमिल्ला गंदा पुक्खरिणी जेणेव अलंकारियसभा तेणेव उवागच्छइ जहा अभिसेयसभा तहेव सव्वं जेणेव ववसायसभा तेणेव उवागच्छइ तहेव लोमहत्थगं परामुसइ पोत्थयरयणं लोमहत्थएणं पमजइ 2 त्ता दिव्वाए दगधाराए अग्गेहिं वरेहि य गंधेहिं मल्लेहि य अच्चेइ मणिपेढियं सीहासणं च सेस तं चेव पुरथिमिल्ला गंदा पुक्खरिणी जेणेव हरए तेणेव उवागच्छइ तोरणे य तिसोवाणे य सालभंजियाओ य वालरूवए य तहेव / जेणेव बलिपीढं तेणेव उवागच्छद बलिविसजणं करेइ, आभिओगिए देवे सद्दावेइ 2 त्ता एवं वयासी-खिप्पामेव भो देवाणुप्पिया सूरियाभे विभाणे सिंघाडएसु तिएसु चउक्केसु चच्चरेसु चउमुहेसु महापहेसु पागारेसु अट्टालएसु चरियासु दारेसु गोपुरेसु तोरणेसु आरामेसु उजाणेसु वणेसु वणराईसु काणणेसु वणसंडेसु अचणियं करेह अञ्चणियं करेत्ता एवमाणत्तिय खिप्पामेव पञ्चप्पिणह, तए णं ते आभिओगिया देवा सूरियाभेणं देवेणं एवं वुत्ता समाणा जाव पडिसुणित्ता सुरियाभे विमाणे सिंघाडएसु तिएसु चउक्कएसु चच्चरेसु चउम्मुहेसु महापहेसु पागारेसु अट्टालएसु चरियासु दारेसु गोपुरेसु तोरणेसु आरामेसु उजाणेसु वणेसु वणराईसु काणणेसु वणसंडेसु अच्चणियं करेंति जेणेव सूरियाभे देवे जाव पच्चप्पिणंति, तए णं से सूरियाभे देवे जेणेव गंदा पुक्खरिणी तेणेव उवागच्छइ णंदापुक्खरिणिं पुरथिमिल्लेणं तिसोवाणपडिल्वएणं पच्चोरुहइ हत्थपाए पक्खालेइ गंदाओ पुक्खरिणीओ पच्चुत्तरेइ जेणेव सभा सुहम्मा तेणेव
