________________ रायपसेणइयं अब्भुग्गयमूसियफहसिया विव विविहमणिरयणभत्तिचित्ता वाउ यविजयवेजयंतपडागच्छत्ताइच्छत्तकलिया तुंगा गगणतलमणुलिहंतसिहरा जालंतररयणपंजरुम्मिलिय व्व मंणिकणगथूभियागा वियसियसयवत्तपोंडरीयतिलगरयणद्धचंदचित्ता णाणामणिदामालंकिया अंतो बहिं च सण्हा तवणिजवालुयापत्थडा सुहफासा सरिसरीयस्वा पासाईया दरिसणिजा जाव दामा। तेसि णं दाराणं उभओ पासे सोलस सोलस तोरणा पण्णत्ता, णाणामणिमया णाणामणिमएसु खंभेसु उवणिविट्ठसण्णिविट्ठा जाव पउमहत्थगा / तेसि णं तोरणाणं पत्तेयं पुरओ दो दो सालभंजियाओ पण्णत्ताओ, जहा हेट्ठा तहेव / तेसि णं तोरणाणं पुरओ णागदंता पण्णत्ता जहा हेट्टा जाव दामा। तेसि णं तोरणाणं पुरओ दो दो हयसंघाडा गयसंघाडा णरसंघाडा किण्णरसंघाडा किंपुरिससंघाडा महोरगसंघाडा गंधव्वसंघाडा उसमसंघाना सव्वरयणामया अच्छा जाव पडिरूवा, एवं पंतीओ वीही मिहुणाई / तेसि णं तोरणाणं पुरओ दो दो पउमलयाओ जाव सामलयाओ णिच्च कुसुमियाओ सव्वरयणामया अच्छा जाव पडिस्वा / तेसि णं तोरणाणं पुरओ दो दो दिसासोवत्थिया पण्णत्ता सव्वरयणामया अच्छा जाव पडिरूवा / तेसि णं तोरणाणं पुरओ दो दो चंदणकलसा पत्ता, ते णं चंदणकलसा वरकमलपइट्ठाणा तहेव / तेसि णं तोरणाणं पुरओ दो दो भिंगारा पण्णत्ता, ते णं भिंगारा वरकमलपइट्ठाणा जाव महया मत्तगयमुहागिइसमाणा पण्णत्ता समणाउसो!। तेसि णं तोरणाणं पुरओदो दो आयंसा पण्णत्ता, तेसि णं आयंसाणं इमेयारूवे वण्णावासे पण्णत्ते, तंजहा-सवणिजमया पगंठगा. अंकमया मंडला अणु घसियणिग्मलाए छायाए समणुबद्धा चंदमंडलपडिणिकासामया महया अद्धकायसमाणा पण्णत्ता समणाउसो!। तेसि णं तोरणाणं पुरओ दो दो वइरणाभथाला पण्णत्ता अच्छतिच्छडियसालितंदुलणहसंदिट्ठपडिपुण्णा इव चिट्ठति सव्वजंबूणयमया जाव पडिरूवा महया महया रहचक्कवालसमाणा पण्णत्ता समणाउसो ! / तेसि णं तोरणाणं पुरओ दो दो पाईओ, ताओ णं पाईओ सच्छोदगपरिहत्थाओ णाणाविहस्स फलहरियगरस बहुपडिपुण्णाओ विव चिट्ठति सव्वरयणामईओ अच्छाओ जाव पडिरूवाओ महया महया गोकलिंजरचक्कसमाणीओ पण्णत्ताओ समणाउसो!। तेसि णं तोरणाणं पुरओ दो दो सुपइट्ठा पण्णत्ता णाणाविहभंडविरइया इव चिट्ठति सव्वरयणामया अच्छा जाव पडिरूवा / तेसि णं तोरणाणं पुरओ दो दो मणोगुलियाओ पण्णत्ताओ, तासु णं मणोगुलियासु बहवे सुवण्णरुप्पमया फलगा पण्णत्ता, तेसु णं सुवण्णरुप्पमएसु फलगेसु
