________________ चउत्तीसइमं परियारणापयं * अणंतरागयाहारे 1 आहारे भोयणाइ य 2 पोग्गला णेव जाणंति 3 अज्झयमाणा 4 य आहिया // 11 // सम्मत्तस्साहिगमे 5 तत्तो परियारणा 6 य बोद्धव्वा / काए फासे रूवे सद्दे य मेणे य अप्पबहुं 7 ॥२॥णेरइया णं भंते ! अणंतराहारा, तओ णिवत्तणया, तओ परियाइणया, तओ परिणामया, तओ परियारणया, तओ पच्छा विउव्वणया ? हंता गोयमा ! णेरइया णं अणंतराहारा, तओ णिव्वत्तणया, तओ परियाइणया, तओ परिणामया, तओ परियारणया, तओ पच्छा विउव्वणया। असुरकुमारा णं भंते ! अणंतराहारा, तओ णिवत्तणया, तओ परियाइणया, तओ परिणामया, तओ विउव्वणया, तओ पच्छा परियारणया ! हंता गोयमा! असुर. कुमारा अणंतराहारा, तओ णिव्वत्तणया जाव तओ पच्छा परियारणया, एवं जाव थणियकुमारा / पुढविकाइया णं भंते ! अणंतराहारा, तओ णिव्वत्तणया, तओ परियाइणया, तओ परिणामया, तओ परियारणया, तओ विउव्वणया ! हंता गोयमा ! तं चेव जाव परियारणया, णो चेव णं विउव्वणया / एवं जाव चउरिंदिया, णवरं वाउक्काइया पंचिंदियतिरिक्खजीणिया मणूसा य जहा णेरइया / वाणमंतरजोइसियवेमाणिया जहा असुरकुमारा // 674 / / णेरइयाणं भंते ! आहारे किं आभोगणिव्वत्तिए, अणाभोगणिव्वत्तिए ? गोयमा! आभोगणिव्वत्तिए वि अणाभोगणिव्वत्तिए वि / एवं असुरकुमाराणं जाव वेमाणियाणं, णवरं एगिंदियाणं णो आभोगणिव्वत्तिए, अणाभोगणिव्वत्तिए / णेरइया णं भंते ! जे पोग्गले आहारत्ताए गिण्हंति ते कि जाणंति पासंति आहारेति, उदाहु ण जाणंति ण पासंति आहारेति ! गोयमा ! ण जाणंति ण पासंति आहारेति, एवं जाव तेइंदिया। चउरिदियाणं पुच्छा / गोयमा ! अत्थेगइया ण जाणंति पासंति आहारेंति, अत्थेगइया ण जाणंति ण पामंति आहारेति / पंचिंदियतिरिक्खजोणियाणं पुच्छा। गोयमा! अत्थेगइया नाणंति पासंति आहारेति 1, अत्थेगइया जाणंति ण पासंति आहारैति 2, अत्येगइया ण जाणंति पासंति आहारति 3, अत्थेगइया ण जाणंति ण पासंति आहारैति 4, एवं जावं मणुस्साण वि। वाणमंतरजोइसिया जहा पेरइया। वेमाणियाणं . पुच्छा / गोयमा ! अत्थेगइया जाणंति पासंति आहारेति, अत्थेगइया ण जाणंति ण पासंति आहारेति / से केण?णं भंते ! एवं वुच्चइ-'वेमाणिया अत्यंगइया जाणंति पामंति आहारैति, अत्थेगइया ण जाणंति ण पासंति आहारैति' 1 गोयमा ! वेमा
