________________ पण्णवणासुत्तं प० 31 577 अण्णाणसागारपासणया, से एएणतुणं गोयमा ! एवं वुच्चइ० / एवं तेइंदियाण वि / चरिंदियाणं पुच्छा / गोयमा ! चउरिंदिया सागारपस्सी वि अणागारपरसी वि / से केणटेणं०१ गोयमा!जेणं चउरिंदिया सुयणाणी सुयअण्णाणी तेणं चउरिदिया सागारपस्सी, जेणं चउरिदिया चक्खुदंसणी तेणं चउरिदिया अणागारपरसी, से एएणटेणं गोयमा ! एवं वुचह० / मणूसा जहा जीवा, अवसेसा जहा णेरइया जाव वेमाणिया // 662 // केवली णं भंते ! इमं रयणप्पमं पुढवि आगारेहि हेऊहिं उवमाहिँ दिटुंतेहिं वण्णेहिं संठाणेहि पमाणेहिं पडोयारेहिं जं समयं जाणइ तं समयं पासह, जं समयं पासइ तं समयं जाणइ ? गोयमा! णो इणटे समढे / से केण्टगं भंते ! एवं वुच्चइ-'केवली णं इमं रयणप्पभं पुढवि आगारेहि. जं समयं जाणइ जो तं समयं पासह, जं समयं पासह णो तं समयं जाणइ ! गोयमा! सागारे से गाणे भवइ, अणागारे से दंसणे भवइ, से तेण?णं जाव जो तं समयं जाणइ, एवं जाव अहेसत्तमं / एवं सोहम्नकप्पं जाव अच्चुयं, गेविजगविमाणा, अणुत्तरविमाणा, ईसिप्पन्भारं पुढविं, परमाणुपोग्गलं दुपए सियं खंधं जाव अणंतपएसियं खधं / केवली णं भंते ! इमं रयणप्पभं पुढविं अणागारेहिं भहेऊहिं अणुवमाहिं अदिटुंतेहिं अवण्णेहिं असंठाणेहिं अपमाणेहि अपडोयारेहिं पासइ ण जाणइ ? हता गोयमा ! केवली णं इमं रयणप्पमं पुढविं अणागारेहिं जाव पासइ ण नाणइ / से केपट्टेणं भंते ! एवं वुच्चइ-'केवली णं इमं रयणप्पभं पुढविं अणागारेहिं जान पासइ ण जाणई' ? गोयमा ! अणागारे से दंसणे भवइ, सागारे से गाणे भवद, से तेण?णं गोयमा ! एवं ,बुच्चइ-'केवली णं इमं रयणप्पभं पुढवि अणागारेहिं जाव पासइ ण जाणइ,' एवं जाव ईसिप्पन्भारं पुढविं परमाणुपोग्गलं भणंतपएसियं खंधं पासइ, ण जाणइ // 663 // पण्णवणाए भगवईए तीसइमं पासणयापयं समत्तं / ‘एगतीसइमं सण्णीपयं जीवा णं भंते ! किं सण्णी, असण्णी, णोसण्णीणोअसण्णी ! गोयमा ! जीवा सण्णी वि असण्णी वि णोसण्णीणोअसण्णी वि / णेरइयाणं पुच्छा / गोयमा ! णेरइया सण्णी वि असण्णी वि णो णोसण्णीणोअसण्णी / एवं असुरकुमारा. जाव यणियकुमारा। पुढविकाइयाणं पुच्छा / गोयमा ! णो सण्णी, असण्णी, णो णोसण्णीणोअसण्णी / एवं वेइंदियतेइंदियचउरिदिया वि, मणूसा जहा जीवा, पंचिंदिय
