________________ पण 570 अनंगपविद्वसुत्ताणि तीमाए, उक्कोसेणं तेत्तीसाए / सव्वट्ठसिद्धगदेवाणं पुच्छा। गोयमा ! अजहण्णमणुकोसेणं तेत्तीसाए वाससहस्साणं आहारट्टे समुप्पजइ // 647 // णेरइया | भंते ! किं एगिदियसरीराइं आहारेति जाव पंचिं दियसरीराइं आहारैति ? गोयमा ! पुव्वभावपणवणं पडुच्च एगिदियसरीराई पि आहारति जाव पंचिंदिय०, पडुप्पण्णभावपण्णव पडुच्च णियमा पंचिंदियसरीराई आहारेति, एवं जाव थणियकुमारा / पुढविकाइयाणं पुच्छा / गोयमा ! पुव्वभावपण्णवणं पडुच्च एवं चेव, पडुप्पण्णभावपण्णवणं पडुच्च णियमा एगिंदियसरीराइं आहारेति / बेइंदिया पुव्वभावपण्णवणं पडुच्च एवं चेव, पडुप्पण्णभावपण्णवणं पडुच्च णियमा बेइंदियाणं सरीराई आहारति, एवं जाव चउरिदिया जाव पुव्वभावपण्णवणं पडुच्च, एवं पडुप्पण्णभावपण्णवणं पडुच्च णियमा जस्स जइ इंदियाइं तइंदियाई सरीराइं आहारति, सेसा जहा णेरड्या, जाव वेमाणिया / णेरइया णं भंते ! किं लोमाहारा पक्खेवाहारा ! गोयमा ! लोमाहारा, णो पक्खेवाहारा, एवं एगिंदिया सव्वे देवा य भाणियव्वा जाव वेमाणिया। बेइंदिया जाव मणूसा लोमाहारा वि पक्खेवाहारा वि // 648 // णेरइया णं भंते ! किं ओया. हारा मणभक्खी ? गोयमा ! ओयाहारा, णो मणभक्खी, एवं सव्वे ओरालियसरीरा वि / देवा सव्वे वि जाव वेमाणिया ओयाहारा वि मणभक्खी वि / तत्थ णं जे ते मणभक्खी देवा तेसि णं इच्छामणे समुप्पजइ 'इच्छामो णं मणभक्खणं करित्तए,' तए णं तेहिं देवेहिं एवं मणसीकए समाणे खिप्पामेव जे पोग्गला इट्ठा कंता जाव मणामा ते तेसिं मणभक्खत्ताए परिणमंति, से जहाणामए सीया पोग्गला सीयं पप्प सीयं चेव अइवइत्ताणं चिटुंति, उसिणा वा पोग्गला उसिण पप्प उसिणं चेव अइवइत्ताणं चिटुंति, एवामेव तेहिं देवेहिं मणभक्खीकए समाणे से इच्छामणे खिप्पामेव अवेइ // 649 // पण्णवणाए भगवईए अट्ठावीसइमे आहारपए पढमो उद्देसओ समत्तो॥ बीओ उद्देसओ आहार भविय सण्णी लेसा दिट्ठी य संजय कसाए / णाणे जोगुवओगे वेए य सरीर पजत्ती / जीवे णं भंते ! किं आहारए अणाहारए ? गोयमा ! सिय आहारए, सिय अणाहारए, एवं णेरइए जाव असुरकुमारे जाव वेमाणिए / सिद्ध णं
