________________ 548 अनंगपविट्ठसुत्तामि बद्धस्स जाव पोग्गलपरिणामं पप्प णवविहे अणुभावे पण्णत्ते // 603 // सायावेयणिजस्स णं भंते ! कम्मस्स नीवेणं बद्धस्स जाव पोग्गलपरिणामं पप्प कइविहे अणु-. भावे पण्णत्ते ? गोयमा ! सायावेयणिजस्स णं कम्मस्स जीवेणं बद्धस्स जाव अट्ठविहे अणुभावे पण्णत्ते / तंजहा-मणुण्णा सद्दा 1, मणुण्णा रूवा 2, मणुण्णा गंधा 3, मणुण्णा रसा 4, मणुण्णा फासा 5, मणोसुहया 6, वयसुहया 7, कायसुहया 8, जं वेएइ पोग्गलं वा पोग्गले वा पोग्गलपरिणामं वा वीससा वा पोग्गलाणं परिणाम तेसि वा उदएणं सायावेयणिजं कम्मं वेएइ, एस णं गोयमा ! सायावेयणिजे कम्मे, एस णं गोयमा ! सायावेयणिजस्म जाव अट्टविहे अणुभावे पण्णत्ते / असायावेयणिजस्स णं भंते ! कम्मस्स जीवेणं तहेव पुच्छा उत्तरं च, णवरं अमणुण्णा सद्दा जाव कायदुहया, एस णं गोयमा! असायावेवणिजे कम्मे, एस णं गोयमा ! असायावेयणिजस्स जाव अट्ठविहे अणुभावे पण्णत्ते // 604 // मोहणिजस्स ण भंते ! कम्मस्स जीवेणं बद्धस्स जाव कहविहे अणुभावे पण्णत्ते 1 गोयमा ! मोहणिज़स्स णं कम्मस्स जीवेणं बद्धस्स जाव पंचविहे अणुभावे पण्णत्ते / तंजहा-सम्मत्तवेयणिजे, मिच्छत्तवेयणिजे,सम्मामिच्छत्तवेयणिज्जे, कसायवेयणिजे,णोकसायवेयणिजे / जं वेएइपोग्गलं वा पोग्गले वा पोग्गलपरिणामं वा वीसमा वा पोग्गलाणं परिणामं तेसिं वा उदएणं मोहणिजं कम्मं वेएइ, एस णं गो०! मोहणिजे कम्मे / एस णं गो०! मोहणिजस्स कम्मस्स जाव पंचविहे अणुभावे पण्णत्ते // 605 // आउयस्स णं भंते ! कम्मस्स जीवेणं तहेव पुच्छा / गो०! आउयस्स णं कम्मस्स जीवेणं बद्धस्स जाव चउविहे अणुभावे पण्णत्ते / तंजहा-णेरइयाउए, तिरियाउए, मणुयाउए, देवाउए, जं वेएइ पोग्गलं वा पोग्गले वा पोग्गलपरिणामं वा वीससा वा पोग्गलाणं परिणामं तेसिं वा उदएणं आउयं कम्म वेएइ, एस णं गोयमा ! आउए कम्मे, एस णं गोयमा! आउयकम्मस्स जाव चउविहे अणुभावे पण्णत्ते // 606 // सुहणामस्स णं भंते ! कम्मस्स जीवेणं पुच्छा। गोयमा ! सुहणामस्स णं कम्मस्स जीवेणं"चउद्दसविहे अणुभावे पण्णत्ते / तंजहाइट्टा सद्दा 1, इट्ठा रूवा 2, इटा गंधा 3, इट्टा रसा 4, इट्टा फासा 5, इट्ठा गई 6, इट्ठा ठिई 7, इढे लावण्णे 8, इट्ठा जसोकित्ती 9, इढे उट्ठाणकम्मबलवीरियपुरिसक्कारपरकमे 10, इट्ठस्सरया 11, कंतस्सरया 12, पियस्सरया 13, मणुण्णस्सरया 14, जं वेएइ पोग्गलं वा पोग्गले वा पोग्गलपरिणामं वा वीससा वा पोग्गलाणं परिणामं तेसिं वा उदएणं सुहणामं कम्मं वेएइ, एस णं गोयमा ! सुहणामकम्मे,
