________________ 508 अनंगपविट्ठसुत्ताणि सुक्कलेसा णं सा, णो खलु सा पम्हलेसा, तत्थ गया ओसक्कइ, से तेणट्टेणं गोयमा ! एवं बुच्चइ–'जाव णो परिणमइ' // 529|| पण्णवणाए भगवईए सत्तरसमे लेस्सापए पंचमो उद्देसओ समत्तो॥ लेस्सापए छट्ठो उद्देसओ कइ णं भंते ! लेसा पण्णत्ता ? गोयमा ! छ लेसा पण्णत्ता / तंजहा-कण्हलेसा जाव सुक्कलेसा / मणुस्साणं भंते ! कह लेसाओ पण्णत्ताओ ? गोयमा ! छ लेसाओ पण्णत्ताओ / तंजहा-कण्हलेसा जाव सुक्कलेसा / मणुस्सीणं भंते ! पुच्छा। गोयमा ! छल्लेस्साओ पण्णत्ताओ / तंजहा-कहा जाव सुक्का। कम्मभूमयमणुस्साणं भंते ! कइ लेसाओ पण्णत्ताओ ! गोयमा ! छ लेसाओ पण्णत्ताओ.। तंजहा–कण्हा जाव सुक्का / एवं कम्मभूमयमणुस्सीण वि / भरहेरवयमणुस्साणं भंते ! कइ लेसाओ पण्णत्ताओ ? गोयमा ! छल्लेमाओ पण्णत्ताओ। तंजहा-कण्हा जाव सुक्का / एवं मणुस्सीण वि / पुव्वविदेहे अवरविदेहे कम्मभूमयमणुस्साणं कह लेस्साओ०१ गो०! छल्लेस्साओ० / तंजहा-कण्हा जाव सुक्का / एवं मणुस्सीण वि। अकम्मभूमयमणुस्साणं पुच्छा / गोयमा ! चत्तारि लेसाओ पण्णत्ताओ। तंजहा–कण्ह० जाव तेउलेसा, एवं अकम्मभूमयमणुस्सीण वि, एवं अंतरदीवगमणुस्साणं, मणुस्सीण वि / एवं हेमवयएरण्णवयअकम्मभूमयमणुस्साणं मणुस्सीण य कइ लेसाओ पण्णत्ताओ? गोयमा ! चत्तारि, तंजहा-कण्हलेसा जाव तेउलेसा। हरिवासरम्मयअकम्मभूमयमणुस्साणं मणुस्सीण य पुच्छा / गोयमा ! चत्तारि, तंजहा–कण्ह० जाव तेउलेसा। देवकुरुउत्तरकुरुअकम्मभूमयमणुस्सा एवं चेव, एएसिं चेव मणुम्सीणं एवं चेव, धायइसंडपुरिमद्धे वि एवं चेव, पच्छिमद्धे वि, एवं पुक्खरदीवे विभाणियव्वं // 530 // कण्हलेसे णं भंते ! मणुस्से कण्हलेसं गब्भं जणेजा ? हंता गोयमा ! जणेजा / कण्डलेसे. मणुस्से णीललेसं गम्भं जणेजा ? हंता गोयमा ! जणेजा जाव सुक्कलेसं गम्भं जणेजा / णीललेसे० मणुस्से कण्हलेसं गम्भं जणेजा ? हंता गोयमा ! जणेजा, एवं णीललेसे मणुस्से जाव सुक्कलेसं गन्मं जणेजा, एवं काउलेसेणं छप्पि आलावगा भाणियव्वा / तेउलेसाण वि पम्हलेसाण वि सुक्कलेसाण वि, एवं छत्तीसं आलावगा भाणियव्वा / कण्हलेसा० इस्थिया कण्हलेसं गभं जणेजा ? हेता गोयमा ! जणेजा।
