________________ पण्णवणासुत्तं प० 15-1 471 ओगाहित्ता णं चिट्ठइ, तिरिवं पि य णं आयया समाणी तावइयं चेव खेत्तं ओगा. हित्ता गं चिट्ठइ ? हंता गोयमा! थूणा णं उर्दु ऊसिया तं चेव जाव चिठा // 444|| आगासथिग्गले णं भंते ! किंणा फुडे ? कइहिं वा काएहिं फुडे ? किं धम्मत्थिकारणं फुडे, धम्मत्थिकायस्स देसेणं फुडे, धम्मत्थिकायस्स पएसेहिं फुडे ? एवं अधम्मस्थिकाएणं, आगासत्थिकाएणं एएणं भेएणं जाव पुढविकाएणं फुडे जाव तसकाएणं, अद्धासमएणं फुडे 1, गोयमा ! धम्मत्थिकाएणं फुडे, णो धम्मत्थिकायस्स देसेणं फुडे, धम्मत्थिकायस्स पएसेहिं फुडे, एवं अधम्मस्थिकाएण वि, णो आगासत्थि. कारणं फुडे, आगासस्थिकायस्स देसेणं फुडे, आगासस्थिकायस्स पएसेहिं फुडे जाव वणस्सइकाएणं फुडे, तसकाएणं सिय फुडे, सिय णो फुडे, अद्धासमएणं देसे फुडे, देसे णो फुडे / जंबुद्दीवे णं भंते ! दीवे किंणा फुडे ? कइहिं वा काएहिं फुडे ? किं धम्मत्थिकारणं जाव आगासत्थिकारणं फुडे०१, गोयमा! णो धम्मत्थिकारणं फुडे, धम्मस्थिकायस्स देसेणं फुडे, धम्मत्थिकायस्स पएसेहिं फुडे, एवं अधम्मस्थिकायस्स वि आगासस्थिकायस्स वि, पुढविकाएणं फुडे जाव वणस्सइकाएणं फुडे, तसकाएणं सिय फुडे सिय णो फुडे, अद्धासमएणं फुडे / एवं लवणसमुद्दे, धायइसंडे दीवे, कालोए समुद्दे, अभितरपुक्खरद्धे / बाहिरपुक्खरद्धे एवं चेव, णवरं अद्धासमएणं णो फुडे / एवं जाव संयंभूरमणसमुद्दे / एसा परिवाडी इमाहिं गाहाहिं अणुगंतव्वा, तंजहा-"जंबुद्दीवे लवणे धायइ कालोय पुक्खरे वरुणे / खीर-घय खोय गंदि य अरुणवरे कुण्डले रुयए // 1 // आभरणवत्थगंधे उप्पलतिलए य पउमणिहिरयणे / वासहरदहणईओ विजया वक्खारकप्पिंदां // 2 // कुरु मंदर आवासा कूडा णक्खत्तचदसूरा य / देवे णागे जक्खे भूए य सयंभुरमणे व // 3 // एवं जहा बाहिर. पुक्खरद्धे भणिए तहा जाव सयंभूरमणसमुद्दे जाव अद्धासमएणं णो फुडे // 445 // लोगे णं भंते ! किंणा फुडे ? कइहिं वा काएहिं० 1 जहा आगासथिग्गले / अलोए णं भंते ! किंणा फुडे, कइहिं वा काएहिं पुच्छा। गोयमा ! णो धम्मत्थिकाएणं फुडे जाव णो आगासस्थिकारणं फुडे, आगासत्थिकायस्स देसेणं फुडे, आगासस्थिकायस्स पएसेहिं फुडे णो पुढविकाएणं फुडे जाव णो अद्धासमएणं फुडे / एगे अजीवदव्वदेसे अगुरुलहुए अणंतेहिं अगुरुलहुयगुणेहिं संजुत्ते सव्वागासअणंतभागूणे // 446 // पण्णवणाए भगवईए पण्णरसमस इंदियपयस्स पढमो उद्देसो समत्तो॥
