________________ 38 अनंगपविट्ठसुत्ताणि परपरिवाइया भूइकम्मिया भुजो 2 कोउयकारगा, ते णं एयारूवेणं विहारेणं विहरमाणा बहूई वासाइं सामण्णपरियागं पाउणंति पाउणित्ता तस्स टाणस्स अणालोइयअपडिक्कता कालमासे कालं किच्चा उक्कोसेणं अच्चुएकमे आभिओगिएसु देवेसु देवत्ताए उववत्तारो भवंति,तहिं तेसिं गई बावीसं सागरोवमाई ठिई परलोगस्स अणाराहगा, सेसं तं चेव 18 / से जे इमे गामागर जाव सण्णिवेसेसु णिण्हगा भवंति, तंजहाबहुरया 1 जीवपएसिया 2 अव्वत्तिया 3 सामुच्छेइया 4 दोकिरिया 5 तेरासिया ६अबद्धिया ७इच्चेते सत्त पवयणणिण्हगा केवल(लं)चरियालिंगसामण्णा मिच्छद्दिट्ठी बहूहिँ असब्भावुब्भावणाहिं मिच्छत्ताभिणिवेसेहि य अप्याणं च परं च तदुभयं च बुग्गाहेमाणा वुप्पाएमाणा विहरित्ता बहूई वासाई सामण्णपरियागं पाउणंति 2 त्ता कालमासे कालं किच्चा उक्कोसेणं उवरिमेसु गेवेजेसु देवत्ताए उववत्तारो भवंति, तहिं तेसिं गई एकत्तीसं सागरोवमाइं ठिई, परलोगस्स अणाराहगा, सेसं तं चेव 19 / से जे इमे गामागर जाव सण्णिवेसेसु मणुया भवंति, तंजहा-अप्पारंभा अप्पपरिग्गहा भम्मिया धम्माणुया धम्मिट्ठा धम्मक्खाई धम्मप्पलोइयाधम्मपलज्जणा धम्मसमुदायारा धम्मेणं चेव वित्तिं कप्पेमाणा सुसीला सुव्वया सुप्पडियाणंदा साहूहिं एगच्चाओ पाणाइवायाओ पडिविरया जावजीवाए एगच्चाओ अपडिविरया एवं जाव परिग्गहाओ एगच्चाओ कोहाओ माणाओ मायाओ लोहाओ पेजाओ दोसाओ कलहाओ अब्भक्खाणाओ पेसुण्णाओ परपरिवायाओ अरइरईओ मायामोसाओ मिच्छादसणसल्लाओ पडिविरया जावजीवाए एगच्चाओ अपडिविरया, एगच्चाओ आरंभसमारंभाओ पडिविरया जावजीवाए एगचाओ अपडिविरया,एगच्चाओ करणकारावणाओ पडिविरया भावजीवाए एगच्चाओ अपडिविरया, एगच्चाओ पयणपयावणाओ पडिविरया जावजीवाए एगच्चाओ पयणपयावणाओ अपडिविरया, एगच्चाओ कोट्टणपिट्टणतजणतालणवहबंधपरिकिलेसाओपडिविरयाजावजीवाए एगच्चाओ अपडिविरया,एगच्चाओ व्हाणमद्दणवण्णगविलेवणसद्दफरिसरसस्वगंधमल्लालंकाराओ पडिविरया जावजीवाए एगच्चाओ अपडिविरया, जेयावण्णे तहप्पगारा सावजजोगोवहिया कम्मंता परपाणपरियावणकरा कजंति तओ जाव एगच्चाओ अपडिविरया तंजहा-समणोवासगा भवंति, अभिगयजीवाजीवा उवलद्धपुण्णपावा आसवसंवरणिजरकिरियाअहिगरण. बंधमोक्खकुसला असहेजाओ देवासुरणागजक्खरक्खसकिण्णरकिं पुरिसगरुलगंधव्वमहोरगाइएहिं देवगणेहिं णिगंथाओ पावयणाओ अणइक्कमणिजा णिग्गंथे पावयणे