________________ पण्णवणासुत्तं प० 11 455 गोयमा ! संतरे पि गेण्हइ, णिरंतरं पि गेण्हइ / संतरं गेण्हमाणे जहण्णेणं एगं समयं, उक्कोसेणं असंखेजसमए अंतरं कटु गेण्हइ, पिरंतरं गेण्हमाणे जहण्णेणं दो समए, उक्कोसेणं असंखेजसमए अणुसमयं अविरहियं णिरंतरं गेण्हइ / जीवेणंभंते ! जाई दव्वाइं भासत्ताए गहियाई णिसिरइ ताई किं संतरं णिसिरइ, णिरंतरं णिसिरइ ! गोयमा ! संतरं णिसिरइ, णो गिरंतरं णिसिरइ / संतरं णिस्सिरमाणे एगेणं समएणं गेण्हह,एगेगं समएणं णिसिरइ, एएणं गहणणिसिरणोवाएणं जहण्णेणं दुसमइय, उक्कोसेणं असंखेजसमइयं अंतोमुहुत्तियं गहणणिसिरणोवायं करेइ // 397 // जीवे णं भंते ! नाई दवाइं भासत्ताए गहियाइं णिसिरइ ताई कि भिण्णाई णिसिरइ, अभिण्णाई णिसिरह 1 गोयमा! मिण्णाई पि णिस्सिरइ, अभिण्णाई पि णिस्सिरइ। जाई भिण्णाई णिसिरइ ताई अणंतगुणपरिवुड्डीए णं परिचुड्ढमाणाई लोयंत फुसंति, जाई अभिण्णाई णि सिरह ताइं असंखेजाओ ओगाहणवम्गणाओ गंता भेयमावति, संखेजाइं जोयपाइं गंता विद्धंसमागच्छति // 398 // तेसि णं भंते ! दव्वाणं कइविहे भेए पण्णत्ते? गोयमा ! पंचविहे भेए पण्णत्ते / तंजहा-खंडाभेए, पयराभेए, चुण्णियाभेए, अणुतडियाभेए, उक्करियाभेए / से किं तं खंडाभेए 12 जणं अयखंडाण वा तउखंडाण वा तंबखंडाण वा सीसगखंडाण वा रययखंडाण वा जायस्वखंडाण वा खंडएणं भेए भवइ, से तं खंडाभेए 1 / से किं तं पयराभेए ? 2 जणं वंसाण वा वेत्ताण वा पालाण वा कयलीथंभाण वा अन्भपडलाण वा पयरेणं भेए भवइ, से तं पयराभेए 2 / से कि तं चुणियामेए 12 जण्णं तिलचुण्णाण वा मुग्गचुण्णाण वा मासचुण्णाण वा पिप्पलीचुण्णाण वा मिरीयचुण्णाण वा सिंगबेरचुण्णाण वा चुण्णियाए भेए भवई, से तं चुणियाभेए 3 / से किं तं अणुतडियाभेए 12 जण्णं अगडाण वा तडागाण वा दहाण वा गईण वा वावीण वा पुक्खरिणीण वा दीहियाण वा गुंजालियाण चा सराण वा सरसराण वा सरपंतियाण वा सरसरपंतियाण वा अणुतडियाभेए भवइ, से तं अणुतडियाभेए 4 / से कि तं उक्करियाभेए ? 2 जणं मूसाण वा मंडूसाण वा तिलसिंगाण वा मुग्गसिंगाण वा माससिंगाण वा एरंडबीयाण वा पुट्टिया उक्करियाए भेए भयइ, से तं उक्करियाभेए 5 // 399 / / एए सि णं भंते ! दव्वाणं खंडाभेएणं पयराभेएणं चुणियाभेएणं अणुतडियाभेएणं उकारियाभेएण य मिजमाणाणं कयरे कयरेहिंतो अप्पा वा बहुया वा तुल्ला वा विसेसाहिया चा! गोयमा! सव्वत्थोवाई दव्वाई उक्करियाभेएणं भिजमाणाइं, अणुतडियाभेएणं भिजमाणाई अणंतगुणाई,