________________ 420 अनंगपविद्धसुत्ताणि मुहुत्ता / णागकुमारा णं भंते ! केवइयं कालं विरहिया उववाएणं पण्णत्ता ? गोयमा! जहण्णेणं एगं समय, उक्कोसेणं चउव्वीसं मुहुत्ता / एवं सुवण्णकुमाराणं विज्जुकुमाराणं अग्गिकुमाराणं दीक्कुमाराणं दिसिकुमाराणं उदहिकुमाराणं वाउकुमाराणं यणियकुमाराण य पत्तेयं जहण्णेणं एगं समयं, उक्कोसेणं चउव्वीसं मुहत्ता // 283 // पुढविकाइया ण भंते ! केवइयं कालं. विरहिया उववाएणं पण्णत्ता? गोयमा ! अणुसमयमविरहियं उपवाएणं पण्णता / एवं आउकाइयाण वि तेउकाइयाण वि वाउकाइयाण वि वणस्सइकाइयाण वि अणुसमयं अविरहिया उववाएणं पण्णत्ता // 284 // बेइंदिया णं भंते ! केवइयं कालं विरहिया उववाएणं पण्णत्ता 1 गोयमा ! जहण्णेणं एगं समयं, उक्कोसेणं अंतोमुहुत्तं / एवं तेइंदियचउरिदिया॥२८५।। समुच्छिमपंचिंदियतिरिक्खजोणिया णं भंते ! केवइयं कालं विरहिया उववाएणं पण्णत्ता ? गोयमा ! जहण्णेणं एगं समयं, उक्कोसेणं अंतोमुहत्तं / गन्भवतियपंचेंदियतिरिक्खजोणिया णं भंते ! केवइयं कालं विरहिया उववाएणं पण्णत्ता ? गोयमा! जहणणेणं एगं समयं, उक्कोसेणं वारस मुहुत्ता // 286|| संमुच्छिममणुस्सा णं भंते ! केवइयं कालं विरहिया उववाएणं पण्णत्ता ? गोयमा ! जहण्णेणं एगं समयं, उक्कोसेणं चउव्वीसं मुहुत्ता। गम्भवकंतियमणुस्सा णं भंते ! केवइयं कालं विरहिया उववाएणं पण्णत्ता ? गोयमा ! जहण्णेणं एगं समयं, उक्कोसेणं बारस मुहत्ता.॥२८७॥ वाणमंतराणं पुच्छ।। गोयमा ! जहप्रणेणं एगं समयं, उक्कोसेणं चउबीसं मुहत्ता। जोइसियाणं पुच्छा। गोयमा ! जहण्णेणं एगं समयं, उक्कोसेणं चउव्वीसं मुहुत्ता / सोहम्मे कापे देवा णं भंते ! केवइयं कालं विरहिया उववाएणं पण्णत्ता ? गोयमा! जहण्णणं एगं समयं, उक्कोसेणं चउव्वीसं मुहुत्ता। ईसाणे कप्पे देवाणं पुच्छा / गोयमा! जहण्णेणं एगं समयं, उक्कोसेणं चउव्वीसं मुहत्ता / सणंकुमारे कप्पे देवाणं पुच्छा / गोयमा ! जहण्णेणं एगं समयं, उक्कोसेणं णव राइंदियाइं वीसाई मुहुत्ताई / माहिंदे कप्पे देवाणं पुच्छा। गोयमा ! जहणणेणं एगं ममयं, उक्कोसेणं बारस राइंदियाइं दस मुहत्ताई / बंभलोए देवाणं पुच्छा / गोयमा ! जहण्णेणं एगं समयं, उक्कोसेणं अद्धतेवीसं राइंदियाई / लंतगदेवाणं पुच्छा / गोयमा ! जहण्णेणं एगं समयं, उक्कोसेणं पणयालीसं राइंदियाई। महासुक्कदेवाणं पुच्छा / गोयमा ! जहण्णेणं एगं समयं, उक्कोसेणं असीई राइंदियाई। सहस्सारे देवाणं पुच्छा / गोयमा ! जहण्णेणं एगं समयं उक्कोसेणं राइं दियसयं / आणयदेवाणं पुच्छा / गोयमा ! जहण्णेणं एगं समयं, उक्कोसेणं संखेजा मासा।
