________________ 410 अनंगपविट्ठसुत्ताणि चउट्ठाणवडिए, सट्टाणे छट्ठाणवडिए / जहा ओहिणाणी तहा मणपज्जवणाणी वि भाणियब्वे, गवरं ओगाहणट्ठयाए तिट्ठाणवडिए / जहा आभिणिबोहियणाणी तहा मइअण्णाणी सुयअण्णाणी वि भाणियव्वे / जहा ओहिणाणी तहा विभंगणाणी वि भाणियव्वे, चक्खुदंसणी अचवखुदंसणी य जहा आभिणियोहियणाणी, ओहिदंसणी जहा ओहिणाणी / जत्थ णाणा तत्थ अण्णाणा स्थि, जत्थ अण्णाणा तत्थ णाणा णत्थि, जत्थ दंसणा तत्थ णाणा वि अण्णाणा वि / केवलणाणीणं भंते ! मणुस्साणं केवइया पजवा पण्णत्ता ? गोयमा ! अणंता पजवा पण्णत्ता। से केणटेणं भंते ! एवं वुच्चइ-'केवलणाणीणं मणुस्साणं अणंता पजवा पण्पत्ता' गोयमा! केवलणाणी मणूसे केवलणाणिस्स मणूसस्स दव्वट्ठयाए तुले; पएसट्टयाए तुल्ले, ओगाहणट्ठयाए चउट्ठाणवडिए, ठिईए तिढाणवडिए, वण्णगंधरसफासपजवेहिं छट्ठाणवडिए,केवलणाणपजवेहि केवलदसणपजवेहि य तुल्ले / एवं केवलदंसणी वि मणूसे भाणियव्वे / वाणमंतरा जहा असुरकुमारा / एवं जोइसियवेमाणिया, णवरं सट्ठाणे ठिईए तिढाणवडिए भाणियब्वे / सेत्तं जीवपजवा // 265 // अजीवपजवा णं भंते ! कइविहा पण्णत्ता ? गोयमा! दुविहा वण्णत्ता। तंजहा-रूविअजीवपजवा य अरूविअजीवपजवा य // 266 // अरूविअजीवपज्जवा गं भंते ! कइविहा पण्णत्ता ? गोयमा ! दसविहा पण्णत्ता / तंजहा-धम्मत्थिकाए, धम्मत्थिकायस्स देसे, धम्मत्थिकायस्स पएसा, अहम्मत्थिकाए, अहम्मत्थिकायस्स देसे, अहम्मत्थिकायस्स पएसा, आगासस्थिकाए आगासस्थिकायस्स देसे, आगासस्थिकायस्स पएसा, अद्धासमए // 267 // रूवि. अजीवपजवा णं भंते ! कइविहा पण्णत्ता 1 गोयमा ! चउव्विहा पण्णत्ता। तंजहाखंधा, खंधदेसा, खंधपएसा, परमाणुपुग्गला / ते णं भंते ! किं संखेजा असंखेज्जा अणंता ? गोयमा ! णो संखेजा णो असंखेजा, अणंता / से केणटेणं भंते ! एवं वुच्चइ-'णो संखेजा, णो असंखेजा, अणंता' ? गोयमा! अणंता परमाणुपुग्गला, अणंता दुपएसिया खंधा जाव अणंता दसपए सिया खंधा, अणंता संखेजपएसिया खंधा, अणंता असंखेजपएसिया खंधा, अणंता अणंतपएसिया खंधा, से तेणतुणं गोयमा ! एवं बुच्चइ-'ते णं णो संखेजा, णो असंखेजा, अणंता' // .268 // परमाणुपोग्गलाणं भंते ! केवइया पजवा पण्णत्ता ? गोयमा ! परमाणुपोग्गलाणं अणता पजवा पण्णत्ता / से केणटेणं भंते ! एवं वुच्चइ-'परमाणुपुग्गलाणं अणंता पजवा पण्णत्ता' ? गोयमा ! परमाणुपुग्गले परमाणुपोग्गलस्स दव्वट्ठयाए तुल्ले, पए.