________________ पण्णवणासुत्तं प०५ 407 गोयमा ! अणंता पजवा पण्णत्ता / से केणटेणं भंते ! एवं वुच्चइ-'जहण्णोगाहणगाणं पंचिंदियतिरिक्खजोणियाणं अणंता पजवा पण्णत्ता' 1 गोयमा ! जहण्णोगाहणए पंचिंदियतिरिक्खजोगिए जहण्णोगाहणयस्स पंचिंदियतिरिक्खजोणियस्स दव्वट्ठयाए तुल्ले, पएसट्टयाए तुल्ले, ओगाहणट्टयाए तुल्ले, ठिईए तिट्ठाणवडिए, वणगंधरसफासपजवेहिं दोहिं णाणेहिं दोहि अण्णाणेहिं दोहिं दंसणेहि छट्ठाणवडिए / उक्कोसोगाहगए वि एवं चेव, णवरं तिहिं णाणेहिं तिहिं अण्णाणेहिं तिहिं दंसणेहिं छट्ठाणवडिए। जहा उक्कोसोगाहणए तहा अजहण्णमणुकोसोगाहणए वि, णवरं ओगाहणट्ठयाए चउट्ठाणवडिए,ठिईए चउट्ठाणवडिए / जहण्णठिइयाणं भंते! पंचिंदियतिरिक्खजोणियाणं केवइया पजवा पण्णत्ता ? गोयमा ! अणंता पनवा पण्णत्ता। से केणतुणं भंते ! एवं बुच्चइ-'जहण्णठिइयाणं पंचिंदियतिरिक्खजोणियाणं अणंता पजवा पण्णत्ता'? गोयमा ! जहण्णठिइए पंचिंदियतिरिक्खजोणिए जहण्णठिइयस्स पंचिंदियतिरिक्खजोणियस्स दवट्ठयाए तुल्ले, पएसट्टयाए तुल्ले, ओगाहणट्याए चउट्ठाणवडिए, ठिईए तुल्ले, वण्णगंधरसफासपजवेहिं दोहि अण्णाणेहिं दोहिं दंसणेहिं छट्ठाणवडिए। उकोसटिइए वि एवं चेव, णवरं दो णाणा दो अण्णाणा दो दंसणा / अजहण्णमणुकोसठिइए वि एवं चेव, णवरं ठिईए चउट्ठाणवडिए / तिण्णि णाणा तिणि अण्णाणा तिण्णि दंसणा / जहण्णगुणकालगाणं भंते ! पंचिंदियतिरिक्खजोणियाणं पुच्छा। गोयमा ! अणंता पजवा पण्णत्ता / से केणटेणं भंते ! एवं वुच्चइ० 1 गोयमा ! जहण्णगुणकालए पंचिंदियतिरिक्खजोणिए जहण्णगुणकालगस्स पंचिंदियतिरिक्खजोणियस्स दव्वट्ठयाए तुले, पएसट्टयाए तुले, ओगाहणट्टयाए चउठाणवडिए, ठिईए चउट्ठाणवडिए, कालवण्णपजवेहिं तुल्ले, अवसेसेहिं वण्णगंधरसफासपजवेहिं तिहिं णाणेहिं तिहिं अण्णाणेहिं तिहिं दंसणेहिं छट्ठाणवडिए / एवं उक्कोसगुणकालए वि / अजहण्णमणुक्कोसगुणकालए. वि एवं चेव, णवरं सट्ठाणे छट्ठाणवडिए / एवं पंच वण्णा दो गंधा पंच रसा अट्ट फासा / जहण्णाभिणिबोहियणाणीणं भंते ! पंचिंदियतिरिक्खजोणियाणं केवइया पजवा पण्णत्ता ? गोयमा ! अणंता पजवा पण्णत्ता। से केणडेणं भंते ! एवं बुच्चइ० 1 गोयमा ! जहण्णाभिणिबोहियणाणी पंचिंदियतिरिक्खजोगिए जहण्णाभिणिबोहियणाणिस्स पंचिंदियतिरिक्खजोणियस्स दवट्ठयाए तुल्ले, पएसट्टयाए तुल्ले, ओगाहणट्ठयाए चउट्ठाणवडिए, ठिईए चउट्ठाणवडिए वण्णगंधरसफासपजवेहिं छट्ठाणवडिए, आभिणिबोहियणाणपजवेहिं तुल्ले, सुयणाण
