________________ पण्णवणासुत्तं प०३ 371 भंते ! सुहमपजत्तयाणं सुहमपुढविकाइयपजत्तयाणं सुहुमआउकाइयपजत्तयाणं सुहुमते. उकाइयपजत्तयाणं सुहुमवाउकाइयपज्जत्तयाणं सुहुमवणस्सइकाइयपज्जत्तयाणं सुहुमणिओयपज्जत्तयाणं वायरपज्जत्तयाणं बायरपुढविकाइयपज्जत्तयाणं बायरआउकाइयपज्जत्तयाणं बायरतेउकाइयपज्जत्तयाणं बायरवाउकाइयपज्जत्तयाणं बायरवणस्सइकाइयपज्जत्तयाणं पत्तेयसरीरबायरवणस्सइकाइयपज्जत्तयाणं बायरणिओयपज्जत्तयाणं बायरतसकाइयपज्जत्तयाण य कयरे कयरेहिंतो अप्पा वा 4 1 गोयमा ! सव्वत्थोवा बायरतेउकाइया पज्जत्तया, बायरतसकाइया पज्जत्तया असंखेज्जगुणा, पत्तेयसरीरबायरवणस्सइकाइया पज्जत्तया असंखेज्जगुणा, बायरणिओया पजत्तया असंखेजगुणा, बायरपुढविकाइया पजत्तया असंखेज़गुणा, बायरआउकाइया पजत्तया असंखेजगुणा, बायरवाउकाइया पज्जत्तया असंखेज्जगुणा, सुहुमतेउकाइया पज्जत्तया असंखेजगुणा, सुहुमपुढविकाइया पज्जत्तया विसेसाहिया, सुहुमआउकाइया पज्जत्तया विसेसाहिया, सुहुमवा उकाइया पज्जत्तया विसेसाहिया, सुहुमणिओया पजत्तया असंखेज्जगुणा, बायरवणस्सइकाइया पज्जत्तया अणंतगुणा, बायरपज्जत्तया विसेसाहिया, सुहुमवणस्सइकाइया पज्जत्तया असंखेज्जगुणा, सुहमपज्जत्तया विसेसाहिया // 169 // एएसि णं भंते ! सुहमाणं बायराण य पज्जत्तापज्जत्ताणं कयरे कयरेहितो अप्पा वा 41 गोयमा ! सव्वत्थोवा बायरा पज्जत्तया, बायरा अपज्जत्तया असंखेज्जगुणा, सुहुमअपज्जत्तया असंखेज्जगुणा, सुहुमपज्जत्तया संखेज्जगुणा // एएसि णं भंते ! सुहुमपुढविकाइयाणं बायरपुढविकाइयाण य पज्जत्तापज्जत्ताणं कयरे कयरेहितो अप्पा वा 4 ? गोयमा ! सव्वत्थोवा बायरपुढविकाइया पज्जत्तया, बायरपुढविकाइया अपज्जत्तया असंखेज्जगुणा, सुहुमपुढविकाइया अपज्जत्तया असंखेज्जगुणा, सुहुमपुढविकाइया पज्जत्तया संखेज्जगुणा // एएसि णं भंते ! सुहुमआउकाइयाणं बायरआउकाइयाण य पज्जत्तापज्जत्ताणं कयरे कयरेहितो अप्पा वा 4 1 गोयमा ! सव्वत्थोवा बायरआउकाइया पजत्तया, बायरआउकाइया अपज्जत्तया असंखेजगुणा, सुहुमआउकाइया अपजत्तया असंखेजगुणा, सुहुमआउकाइया पजत्तया संखेजगुणा // एएसि णं भंते ! सुहुमतेउकाइयाणं बायरतेउकाइयाण य पजत्तापजत्ताणें कयरे कयरेहितो अप्पा वा 4 1 गोयमा ! सव्वत्थोवा बायरतेउकाइया पजत्तया, बायरतेउकाइया अपजत्तया असंखेजगुणा, सुहुमतेउकाइया अपज्जत्तवा असंखेजगुणा, सुहुमतेउकाइया पज्जत्तया संखेज्जगुणा / एएसि णं भंते ! सुहुमवाउ