________________ 330 अनंगपविट्ठसुत्ताणि अचरिमसमयसयंबुद्धछ उमत्थखीणकसायवीयरायदंसणारिया य / सेत्तं संयंबुद्ध छउमत्थखी गकसायवीयरायदंसणारिया। से किं तं बुद्धबोहियछउमत्थखीणकसायवीयरायदंसगारिया ? बुद्धबोहियछ उमत्थखीणकसायवीयरायदंसणारिया दुविहा पण्णत्ता। तंजहा-पढमसमयबुद्धबोहियखीणकसायवीयरायदंसणारिया य अपढमसमयबुद्धबोहियछउनत्थखीणकसायवीयरायदंसणारिया य / अहवा चरिमसमयबुद्धबोहियछउमत्थखीणकसायवीयरायदंसणारिया य अचरिमसमयबुद्धबोहियछ उमत्थखीणकसायवीयरायदंसणारिया य / सेत्तं बुद्धबोहियछउमत्थखीणकसायवीयरायदंसणारिया। सेत्तं छ उमत्थखीणकसायवीयरायदंसणारिया। से किं तं केवलिखीणकसायवीयरायदंसणारिया ? केवलिखीणकसायवीयरायदंसणारिया दुविहा पण्णत्ता / तंजहा-सजोगिकेवलिखी गकसायवीयरायदंसणारिया य अजोगिकेवलिखीणकसायवीयरायदंसणारिया य / से किं तं सजोगिकेवलिखीणकसायवीयरायदंसणारिया ? सजोगिकेवलिखीणकसायवीयरायदंसणारिया दुविहा पण्णत्ता / तंजहा-पढमसमयसजोगिकेवलिखीणकसायवीयरायदंसणारिया य अपढमसमयसजोगिकेवलिखीणकसायवीयरायदंसणारिया य / अहवा चरिमसमयसजोगिकेवलिखीणकसायवीयरायदंसणारिया य अचरिमसमयसजोगिकेवलिखीणकसायवीयरायदंसणारिया य / सेत्तं सजोगिकेवलिखीणकसायवीयरायदंसणारिया / से किं तं अजोगिकेवलिखीणकसायवीयरायदंसणारिया ?अजोगिकेवलिखीणकसायवीयरायदंसणारिया दुविहा पण्णत्ता / तंजहा-पढमसमयअजोगिकेवलिखीणकसायवीयरायदंसणारिया य अपढमसमयअजोगिकेवलिखीणकसायवीयरायदंसणारिया य। अहवा चरिमसमयअजोगिकेवलिखीणकसायवीयरायदंसणारिया य अचरिमसमयअजोगिकेवलिखीणकसायवीयरायदंसणारिया य / सेत्तं अजोगिकेवलिखीणकसायवीयरायदंसणारिया। सेत्तं केवलिखीणकसायवीयरायदंसणारिया। सेत्तं खीणकसायवीयरायदंसणारिया / सेत्तं दंसणारिया // 75 // से किं तं चरित्तारिया ? चरित्तारिया दुविहा पण्णत्ता / तंजहा-सरागचरित्तारिया य वीयरागचरित्तारिया य / से किं तं सरागचरित्तारिया ? सरागचरित्तारिया दुविहा पण्णत्ता। तंजहा-सुहुमसंपरायसरागचरित्तारिया य बायरसंपरायसरागचरित्तारिया य / से किं तं सुहुमसंपरायसरागचरित्तारिया ? सुहुमसंपरायसरागचरित्तारिया दुविहा पण्णत्ता / तंजहा-पढमसमयसुहुमसंपरायसरागचरित्तारिया य अपढमसमयसुहुमसंपराय परागचरित्तारिया य / अहवा. चरिमसमयसुहुमसंपरायसरागचरित्तारिया य