________________ 322 अनंगपविट्ठसुत्ताणि . गोलोमा, णउरा, सोमंगलगा, वंसीमुहा, सूइमुहा, गोजलोया, जलोया, जालाउया, संखा, संखणगा, घुल्ला, खुल्ला, गुलया, खंधा, वराडा, सोत्तिया, मुत्तिया, म.लुयावासा, एगओवत्ता, दुहओवत्ता, णंदियावत्ता, संबुक्का, माइवाहा, सिप्पिसंपुडा, चंदणा, समुद्दलिक्खा, जेयावण्णे तहप्पगारा। सव्वे ते संमुच्छिमा णपुंसगा। ते समासओ दुविहा पण्णत्ता / तंजहा-पजत्तगा य अपजत्तगा य / एएसि णं एवमाइयाणं बेइंदियाणं पजत्तापजत्ताणं सत्त जाइकुलकोडिजोणीप्पमुहसयसहस्सा भवंतीति मक्खायं / सेत्तं बेइंदियसंसारसमावण्णजीवपण्णवणा // 44 // से किं तं तेइंदियसंसारसमावण्णजीवपण्णवणा ? तेइंदियसंसारसमावण्णजीवपण्णवणा अणेगविहा पण्णत्ता। तंजहा-ओवइया, रोहिणिया, कुंथू ,पिपीलिया, उइंसगा, उद्देहिया, उक्कलिया, उम्पाया, उप्पाडा, तणाहारा, कट्ठाहारा, मालुया, पत्ताहारा, तणबेंटिया, पत्तवेंटिया, पुप्फटिया, फलबेंटिया, बीयबेटिया, तेबुरणमिंजिया, तओसिमिंजिया, कप्पासस्थिमिजिया, हिल्लिया, झिल्लिया, झिंगिरा, किंगिरिडा, बाहुया, लहुया, सुभगा, सोवत्थिया, सुयबेटा, इंदकाइया, इंदगोवया, तुरुतुंबगा, कुच्छलवाहगा, जूया, हालाहला, पिसुया, सयवाइया, गोम्ही, हत्थिसोंडा, जेयावण्णे तहप्पगारा / सव्वे ते संमुच्छिमा णपुंसगा। ते समासओ दुविहा पण्णत्ता। तंजहा-पजत्तगा य अपजत्तगा य / एएसि णं एवमाइयाणं तेइंदियाणं पजत्तापजत्ताणं अट्ठ जाईकुलकोडिजोणिप्पमुहसयसहस्सा भवंतीति मक्खायं / सेत्तं तेइंदियसंसारसमावण्णजीवपण्णवणा // 45 // से किं तं चउरिंदियसंसारसमावण्णजीवपण्णवणा ? 2 अणेगविहा पण्णत्ता / तंजहा-अंधिय-पत्तिय-मच्छियमसगा कीडे तहा पयंगे य / ढंकुण-कुक्कडकुक्कुहणंदावत्ते य सिंगिरडे // किण्हपत्ता णीलपत्ता लोहियपत्ता हालिद्दपत्ता सुकिल्लपत्ता, चित्तपक्खा, विचित्तपक्खा, ओहंजलिया, जलचारिया, गंभीरा, णीणिया, तंतवा अच्छिरोडा अच्छिवेहा सारंगा णेउरा दोला भमरा भरिली जरुला तोट्टा विछुया, पत्तविच्छुया, छाणविच्छुया, जलविच्छुया, पियंगाला, कणगा, गोमयकीडा, जेयावण्णे तहप्पगारा / सव्वे ते संमुच्छिमा णपुंसगा / ते समासओ दुविहा पण्णत्ता। तंजहा-पजत्तगा य अपजत्तगा य / एएसि णं एवमाइयाणं चउरिंदियाणं पजत्ताप. जत्ताणं णव जाइकुलकोडिजोणिप्पमुहसयसहस्साई भवंतीति मक्खायं / सेत्तं चउरिंदियसंसारसमावण्णजीवपण्णवणा // 46 // से कि तं पंचें दियसंसारसमावण्णजीवपण्णवणा ? 2 चउव्विहा पण्णत्ता / तंजहा-णेरइयपंचिंदियसंसारसमावण्णजीवपण्णवणा,
