________________ पण्णवणासुत्तं प०१ 316 सरीरसंघाया // 3 // सेत्तं पत्तेयसरीरबायरवणस्सइकाइया // 43-2 // से कि तं माहारणसरीरबायरवणस्सइकाइया ? साहारणसरीरबायरवणस्सइकाइया अणेगविहा पणत्ता / तंजहा-अवए पणए सेवाले लोहिणी थिहू थिभगा। अस्सकण्णी सीहकण्णी सिउंढि तत्तो मुसुंढी य // 1 // रुरु-कुण्डरिया जीरू छीरविराली तहेव किट्टी य / हालिद्दा सिंगबेरे य आलुगा मूलए इय // 2 // कंबूया कण्णूकड महुपोवलई तहेव महुसिंगी / णीरुहा सप्पसुयंधा छिण्णरुहा चेव बीयरुहा // 3 // पाढा मियवालुंकी महुररसा चेव रायवल्ली य / पउमा य माढरी दंती चंडी किट्टित्ति यावरा / / 4 / / मासपण्णि मुग्गपण्णी जीवियरसहे य रेणुया चेव / काओली खीरकाओली तहा भंगी गही इय / / 5 // किमिरासि भद्दमुत्था णंगलई पेलुगा इय / किण्हे पउले य हढे हरतणुया चेव लोयाणी // 6 // कण्हकंदे वजे सूरणकंदे तहेव खल्लूडे / एए अणंतजीवा जेयावण्णे तहाविहा / / 7 / / तणमूलकंदमूले वंसीमूलेत्ति यावरे / संखिज्जमसंखिज्जा बोधवाऽणंतजीवा य // 8 // सिंघाडगस्स गुच्छो अणेगजीवो उ होइ णायव्यो / पत्ता पत्तेयजीया दोणि य जीवा फले भणिया // 9 // जस्स मूलस्स भग्गस्स समो भंगो पदीसइ / अणंतजीवे उ से मूले जेयावण्णे तहाविहा // 10 // जस्स कंदस्स भग्गस्स समो भंगो पदीसह। अणंतजीवे उसे कंदे जेयावण्णे तहाविहा // 11 // जस्स खंधस्स भग्गस्स समो भंगो पदीसइ / अणंतजीवे उ से खंधे जेयावण्णे तहाविहा // 12 // जीसे तयाए भग्गाए समो भंगो पदीसए / अणंतजीवा तया सा उ जेयावण्णा तहाविहा / / 13 // जस्स सालस्स भग्गस्स समो भंगो पदीसए / अणंतजीवे य से साले जेयावष्णे तहाविहा // 14 // जस्स पवालस्स भग्गस्स समो भंगो पदीसए / अणंतजीवे पवाले से जेयावण्णे तहाविहा // 15 // जस्स पत्तस्स भग्गस्स समो भगो पदीसए / अणंतजीवे उ से पत्ते जेयावण्णे तहाविहा // 16 // जस्स पुष्फस्स भग्गस्स समो भंगो पदीसए / अणंतजीवे उ से पुप्फे जेयावण्णे तहाविहा // 17 / / जस्स 'फलस्स भग्गस्स समो भंगो पदीसए / अणंतजीचे फले से उ जेयावण्णे तहाविहा // 18 // जस्स बीयस्स भग्गस्स समो भंगो पदीसए / अणंतजीवे उ से बीए जेयावष्णे तहाविहा / 19 // जस्स मूलस्स भन्गस्स हीरो भंगो पदीसए / परित्तीवे उ से मूले जेयावण्णे तहाविहा / / 20 / / जस्स कंदस्स भग्गस्स हीरो भंगो पदीसए / परित्तजीवे उ से कंदे जेयावण्णे तहाविहा / / 21 // जस्स खंधस्स भग्गस्स हीरो मंगो पदीसए / परित्तजीवे उसे खंधे जेयावण्णे तहाविहा // 22 // जीसे तयाए भग्गाए
