________________ पण्णवणासुतं पढमं पण्णवणा पयं . ववगयजरमरणभए सिद्धे अभिवंदिऊण तिविहेण / वंदामि जिणवरिंदं तेलोक्कगुरुं महावीरं // 1 // सुयरयणणिहाणं जिणवरेण भवियजणणिव्बुइकरेण / उवदंसिया भगवया पण्णवणा सव्वभावाणं // 2 ॥(वायगवरवंसाओ तेवीसइमेण धीरपुरिसेणं / दुद्धरधरेण मुणिणा पुव्वसुयसमिद्धबुद्धीण // 3 // सुयसागरा विणेऊण जेण सुयरयणमुत्तमं दिण्णं / सीसगणस्स भगवओ तस्स णमो अजसामस्स) // 4 // अज्झयणमिणं चित्तं सुयरयणं दिट्टिवायणीसंदं। जह वणियं भगवया अहमवि तह वण्णइ. स्सामि // 5 // पण्णवणा ठाणाई बहुवत्तव्वं ठिई विसेसाय / वकंती ऊसासो सण्णा जोणी य चरिमाई॥६॥ भासा सरीर परिणाम कसाय इंदिए पओगे य / लेसा. कायठिईया सम्मत्ते अंतकिरिया य // 7 // ओगाहणसंठाणे किरिया कम्मे इयावरे। (कम्मस्स) बंधए (कम्मस्स) वेद(ए)वेदस्स बंधए वेयवेयए // 8 // आहारे उवओगे पासणया सण्णि संजमे चेव / ओही पवियारण वेयणा य तत्तो समुग्घाए // 9 // से किं तं पण्णवणा ? पण्णवणा दुविहा पण्णत्ता / तंजहा-जीवपण्णवणा य अजीवपण्णवणा य // 1 // से कि तं अजीवपण्णवणा ? अजीवपण्णवणा दुविहा पण्णत्ता / तंजहा-रूविअजीवपण्णवणा य अरूविअजीवपण्णवणा य // 2 // से कि तं अरूविअजीवपण्णवणा? अरूविअजीवपण्णवण्णा दसविहा पण्णत्ता। तंजहा-धम्मत्थिकाए, धम्मत्थिकायस्स देसे, धम्मत्थिकायस्स पएसा, अधम्मत्थिकाए, अधम्मत्थिकायस्स देसे, अधम्मत्थिकास्स पएसा, आगासस्थिकाए, आगासस्थिकाययस्स देसे, आगासत्थिकायस्स पएसा, अद्धासमए / सेत्तं अरूविअजीवपण्णवणा // 3 // से किं तं रूविअजीवपण्णवणा ? रूविअजीवपण्णवणा चउव्विहा पण्णत्ता। तंजहा-१ खंधा, 2 खंधदेसा, 3 खंधप्पएसा, 4 परमाणुपोग्गला / ते समासओ पंचविहा पण्णत्ता। तंजहा-१ वण्णपरिणया, 2 गंधपरिणया, 3 रसपरिणया, 4 फासपरिणया, 5 संठाणपरिणया // 4 // जे वण्णपरिणया ते पंचविहा पण्णत्ता / तंजहा-१ कालवण्णपरिणया, 2 णीलवण्णपरिणया, 3 लोहियवण्णपरिणया, 4 हालिद्दवण्णपरिणया, 5 सुकिल्लवण्णपरिणया। जे गंधपरिणया ते दुविहा पण्णत्ता / तंजहा-सुब्भिगंध
