________________ 272 अनंगपविद्वसुत्ताणि समिया चंडा जाया, तहेव सव्वं णवरं अभितरियाए परिसाए दस देवसाहस्सीओ पण्णत्ताओ, मज्झिमियाए परिसाए बारस देवसाहस्सीओ०, बाहिरियाए० चउद्दस देवसाहस्सीओ०, देवीणं पुच्छा, अभितरियाए० णव देवीसया पण्णत्ता मज्झिमियाए परिसाए अट्ठ देवीसया पण्णत्ता बाहिरियाए परिसाए सत्त देवीसया पण्णत्ता, देवाणं ठिईपुच्छा, अभितरियाए परिसाए देवाणं सत्त पलिओवमाई ठिई पण्णत्ता मज्झिमियाए० छ पलिओवमाइं० बाहिरियाए० पंच पलिओवमाई ठिई पण्णत्ता / देवीणं पुच्छा, अभितरियाए० साइरेगाइं पंचपलिओवमाइं०, मज्झिमियाए परिसाए चत्तारि पलिओक्माई ठिई पण्णत्ता, बाहिरियाए परिसाए तिण्णि पलिओवमाइं ठिई पण्णत्ता, अट्ठो तहेव भाणियव्वो // सणंकुमाराणं तुच्छा तहेव ठाणपयगमेणं जाव सणंकुमारस्स तओ परिसाओ समियाई तहेव, णवरं अभितरियाए परिसाए अट्ठ देवसाहस्सीओ पण्णत्ताओ, मज्झिमियाए परिसाए दस देवसाहस्सीओ पण्णत्ताओ, बाहिरियाए परिसाए बारस देवसाहस्सीओ पण्णत्ताओ, अभितरियाए परिसाए देवाणं अद्धपंचमाइं सागरोवमाइं पंच पलिओवमाइं ठिई पण्णत्ता, मज्झिमियाए परिसाए० अद्धपंचमाइं सागरोवमाइं चत्तारि पलिओवमाई ठिई पण्णत्ता, बाहिरियाए परिसाए. अद्धपंचमाइं सागरोवमाई तिणि पलिओक्माई ठिई पण्णत्ता, अट्ठो सो चेव // एवं माहिंदस्सवि तहेव तओ परिसाओ णवरं अभितरियाए परिसाए छद्देवसाहस्सीओ पण्णत्ताओ, मज्झिमियाए परिसाए अट्ट देवसाहस्सीओ पण्णत्ताओ, बाहिरियाए० दस देवसाहस्सीओ पण्णत्ताओ, ठिई देवाणं-अभितरियाए परिसाए अद्धपंचमाई सागरोवमाइं सत्त य पलिओ० ठिई पण्णत्ता, मज्झिमियाए परिसाए अद्धपंचमाइं सागरोवमाइं छच्च पलिओवमाइं०, बाहिरियाए परिसाए अद्धपंचमाई सागरोवमाइं पंच य पलिओवमाइं ठिई प०, तहेव सव्वेसिं इंदाणं ठाणपयगमेणं विमाणा णेयव्वा तओ पच्छा परिसाओ पत्तेयं 2 वुच्चति // बंभस्सवि तओ परिसाओ पण्णत्ताओ० अभितरियाए चत्तारि देवसाहस्सीओ मज्झिमियाए छ देवसाहस्सीओ बाहिरियाए अट्ट देवसाहस्सीओ, देवाणं ठिई-अभितरियाए परिसाए अद्धणवमाई सागरोवमाइं पंच य पलिओवमाई, मज्झिमियाए परिसाए अद्धणवमाइं चत्तारि पलिओवमाई, बाहिरियाए० अद्धणवमाइं सागरोवमाइं तिण्णि य पलिओवमाइं अट्ठो सो चेव // लंतगस्सवि जाव तओ परिसाओ जाव अभितरियाए परिसाए दो देव साहसीओ० मज्झिमियाए० चत्तारि देवसाहस्सीओ पण्णत्ताओ बाहिरियाए० छदेव
