________________ जीवाजीवाभिगमे प०३ 266 गईणं लंघणवग्गणधावणधारणतिवइजइणसिक्खियगईणं संणयपासाणं संगयपासाणं सुजायपासाणं मियमाइयपीणरइयपासाणं झसविहगसुजायकुच्छीणं पीणपीवरवट्टियसुमंठियकडीणं ओलंबपलंबलक्खणपमाणजुत्तपसत्थरमाणिज्जवालगंडाणं तणुसुहुमसुजायणिद्धलोमच्छविधराणं मिउविसयपसत्थसुहमलक्खणविकिण्णकेसरवालिधराणं ललियलासगगइ(ललंतथासगल)लाडवरभूसणाणं मुहमंडगोचूलचमरथासगपरिमंडियकडीणं तवणिजखुराणं तवणिजजीहाणं तवणिजतालुयाणं तवणिजजोत्तगसुजोइयाणं कामगमाणं पीइगमाणं मणोगमाणं मणोरमाणं मणोहराणं अमियगईणं अमियबलवीरियपुरिसक्कारपरकमाणं महया हयहेसियकिलकिलाइयरवेणं महरेणं मणहरेण य पूरेता अंबरं दिसाओ य सोभयंता चत्तारि देवसाहस्सीओ हयरूवधारीणं उत्तरिलं बाहं परिवहति // एवं सूरविमाणस्सवि पुच्छा, गोयमा ! सोलस देवसाहस्सीओ परिवहंति पुव्वकमेणं // एवं गहविमाणस्सवि पुच्छा, गोयमा ! अट्ट देवसाहसीओ परिवहंति पुव्वकमेणं, दो देवाणं साहस्सीओ पुरथिमिल्लं बाहं परिवहंति दो देवाणं साहस्सीओ दक्खिणिल्लं दो देवाणं साहस्सीओ पञ्चत्थिमं दो देवसाहरसीओ हयस्वधारीणं उत्तरिल्लं बाहं परिवहंति. // एवं णक्खत्तविमाणस्सवि पुच्छा, गोयमा ! चत्तारि देवसाहस्सीओ परिवहंति, तंजहा-सीहरूवधारीणं देवाणं एगा देवसाहस्सी पुरथिमिलं बाहं परिवहइ, एवं चउद्दिसिंपि, एवं तारगाणवि णवरं दो देवसाहस्सीओ परिवहंति, तंजहा-सीहरूवधारीणं देवाणं पंचदेवसया पुरथिमिलं बाहं परिवहंति, एवं चउद्दिसिपि // 198 / / एएसि णं भंते ! चंदिमसूरियगहगणणक्खत्ततारारूवाणं कयरे कयरेहिंतो सिग्घगई वा मंदगई वा ? गोयमा ! चंदेहिंतो सूरा सिग्घगई सूरेहिंतो गहा सिग्घगई गहेहिंतो णक्खत्ता सिग्धगई णक्खत्ते. हिंतो तारा सिग्धगई, सव्वप्पगई चंदा सव्वसिग्घगईओ तारारूवा // 199 // एएसिणं भंते ! चंदिम जाव तारारूवाणं कयरे२ हिंतो अप्पिड्ढिया वा महिड्ढियावा ? गोयमा ! तारारूवेहिंतो णक्खत्ता महिड्ढिया णक्खत्तेहिंतो गहा महिड्ढिया गहेहितो सूरा महिड्ढिया सूरेहितो चंदा महिड्ढिया, सव्वप्पड्ढिया ताराख्वा सव्दमहिड्ढिया चंदा // 200 // जंबूदीवे णं भंते ! दीवे तारारुवस्स 2 य एस णं केवइयं अबाहाए अंतरे पण्णत्ते ? गोयमा ! दुविहे अंतरे पण्णत्ते, तंजहा-वाघाइमे य णिव्वाघाइमे य, तत्थ ण जे से वाघाइमे से जहण्णेणं दोण्णि य छावटे जोयणसए उक्कोसेणं बारस जोयणसहस्साई दोण्णि य बायाले जोयणसए तारारुवस्स 2 य अबाहाए अंतरे पण्णत्ते !