________________ __ जीवाजीवाभिगमे प०३ 257 समुद्दस्स उदए से जहा० सेजवग्गपप्फुल्लसल्लइविमुकुलकण्णियारसरसवसुविसुद्धकोरेंटदामपिंडियतरस्स गिद्धगुणतेयदीवियणिरुवहयविसिट्ठसुंदरतरस्स सुजायद हिमहियतदिवसगहियणवणीयपडुवणावियमुक्कड्ढ्यिउद्दावसज्वीसं दियरस अहियं पीवरसुरहिगंधमणहरमहुरपरिणामदरिसणिजस्स पत्थणिम्मलसुहोवभोगस्स सरयकालंमि होज गोषयवरस्स मंडए, भवे एयारूवे सिया ?, णो इणढे समढे, गोयमा ! घओदस्स णं समुद्दस्म एत्तो इट्ठयराए जाव आसाएणं प० कंतसुकंता एत्थ दो देवा महिड्ढिया जाव परिवसंति सेसं तं चेव जाव तारागणकोडिकोडीओ // घओदण्णं समुदं खोयवरे णामं दीवे वट्टे वलयागार जाव चिट्ठइ तहेव जाव अट्ठो, खोयवरे णं दीवे तत्थ 2 देसे 2 तहिं 2 खुड्डा० वावीओ जाव खोदोदगपडिहत्थाओ० उपायपव्वयगा सव्ववेरुलियामया जाव पडिरूवा, सुप्पभमहप्पभा य एत्थ दो देवा महिड्ढिया जाव परिवसंति, से एएण० सव्वं जोइसं तं चेव जाव तारा० // खोयवरणं दीवं खोदोदे णामं समुद्दे वट्टे वलया० जाव संखेजाई जोयणसयसहस्साई परिवखेवेणं जाव अट्ठो, गोयमा ! खोदोदस्स णं समुदस्स उदए से जहा० आसलमासलपसत्थवासंतणिद्धसु. कुमालभूमिभागे सुच्छिण्णेसुकट्ठलट्ठविसिट्ठणिरुवहयाजीयवावीतसुकासजपयत्तणिउणपरिकम्मअणुपालियसुत्रुढिवुड्ढाणं सुजायाणं लवणतणदोसजियाणं णयायपरिवढियाणं णिम्मायसुंदराणं रसेणं परिणयमउपीणपोरभंगुरसुजायमहुररसपुप्पविरइयाणं उवदवविवजियाणं सीयपरिफासियाणं अभिणवभग्गाणं अपालियाणं तिभायणिच्छोडियवाडिगाणं अवणियमूलाणं गठियपरिसोहियाणं कूसलणरकप्पियाणं उच्छूढाणं जाव पोडियाणं बलवगणरजत्ततपरिगालियमेत्ताणं खोयरसे होजा वत्थपरिपूए चाउजायगसुवासिए अहियपत्थलहुए वण्णोववेए तहेव, भवे एयारूवे सिया ?, णो इणढे समढे, खोदोदस्स णं समुद्दस्स उदए एत्तो इट्टयराए चेव जाव आसाएणं प० पुण्णभद्दमाणिभद्दा य (पुण्णपुण्णभद्दा) इत्थ दुवे देवा जाव परिवसंति, सेसं तहेव, जोइस संखेज चंदा० // 182 // खोदोदण्णं समुदं गंदीसरवरे णामं दीवे वट्टे वलयागारसंठिए तहेव जाव परिक्खेवो / पउमवर० वणसंडपरि० दारा दारंतरप्पएसे जीवा तहेव // से केणटेणं भंते ! एवं वुच्चइ-गंदीसरवरदीवे 2 ? गोयमा ! गंदीसरवरदीवे 2 तत्थ 2 देसे 2 तहिं 2 बहूओ खुड्डा० वावीओ जाव बिलपंतियाओ खोदोदगपडिहत्थाओ० उप्पायपव्वयगा सव्ववइरामया अच्छा जाव पडिरूवा / अदुत्तरं च णं गोयमा ! गंदीसरवरदीवचक्कवालविक्खंभबहुमज्झदेसभागे एत्थ णं चउ