________________ जीवाजीवाभिगमे प०३ 243 पासायवडिंसया मणिपेढिया सीहासणा सपरिवारा अट्ठो तहेव रायहाणीओ सगाणं दीवाणं पुरस्थिमेणं अण्णमि धायइसंडे दीवे सेसं तं चेव, एवं सूरदीवावि, णवरं धायइसंडस्स दीवस्स पञ्चथिमिल्लाओ वेइयंताओ कालोयं णं समुदं बारस जोयण० तहेव सव्वं जाव रायहाणीओ सूराणं दीवाणं पञ्चस्थिमेणं अण्णंमि धायइसंडे दीवे सव्वं तहेव // 164 // कहि णं भंते ! कालोयगाणं चंदाणं चंदर्द,वा णामं दीवा पण्णत्ता ? गोयमा ! कालोयसमुद्दस्स पुरच्छिमिलाओ वेइयंताओ कालोयणं समुदं पच्चत्थिमेणं बारस जोयणसहस्साई ओगाहित्ता एत्थ णं कालोयगचंदाण चंददीवा०सव्वओ समंता दो कोसा ऊसिया जलंताओ सेमं तहेव जाव रायहाणीओ सगाणं दीव० पुरच्छिमेणं अण्णमि कालोयगसमुद्दे बारस जोयणा तं चेव सव्वं जाव चंदा देवा 2 / एवं सूराणवि, णवरं कालोयगपञ्चस्थिमिल्लाओ वेइयंताओ कालोयसमुद्दपुरच्छिमेणं बारस जोयणसहस्साइं ओगाहित्ता तहेव रायहाणीओ सगाणं दीवाणं पचत्थिमेणं अण्णंमिकालोयगसमुद्दे तहेव सव्वं / एवं पुक्खरवरगाणं चंदाणं पुक्खरवरस्स दीवस्स पुरत्थिमिल्लाओ वेइयंताओ पुक्खरसमुदं बारस जोयणसहस्साई ओगाहित्ता चंददीवा अण्णंमि पुक्खरवरे दीवे रायहाणीओ तहेव / एवं सूराणवि दीवा पुक्खरवरदीवस्स पचत्थिमिल्लाओ वेइयंताओ पुक्खरोदं समुदं बारस जोयणसहस्साइं ओगाहित्ता तहेव सव्वं जाव रायहाणीओ दीविलगाणं दीवे समुद्दगाणं समुद्दे चेव एगाणं अभितरपासे एगाणं बाहिरपासे रायहाणीओ दीविल्लगाणं दीवेसु समुद्दगाणं समुद्देसु सरिसणामएसु // 165 / / इमे णामा अणुगंतव्वा-जंबुद्दीने लवणे धायइ कालोद पुवखरे वरुणे / खीर घय इक्खुवरो य]णंदी अरुणवरे कुंडले रुयगे // 1 // आभरणवत्थगंधे उप्पलतिलए य पुढवि णिहिरयणे / वासहरदहणईओ विजया वक्खारकप्पिदा // 2 // पुरमंदरमावासा कूडा णक्खत्तचंदसूरा य / एवं भाणियव्वं // 166 / / कहि णं भंते ! देवद्दीवगाणं चंदाणं चंददीवा णामं दीवा पण्णत्ता ? गोयमा ! देवदीवस्स देवोदं समुदं बारस जोयणसहस्साइं ओगाहित्ता तेणेव कमेण पुरथिमिलाओ वेइयंताओ जाव रायहाणीओ सगाणं दीवाणं पुरथिमेणं देवद्दीवं समुदं असंखेजाई जोयणसहस्साइं ओगाहित्ता एत्थ णं देवदीवयाणं चंदाणं चंदाओ णामं रायहाणीओ पण्णत्ताओ, सेसं तं चेव, देवदीवचंदा दीवा, एवं सूराणवि, णवरं पञ्चस्थिमिल्लाओ वेइयंताओ पच्चत्थिमेणं च भाणियव्वा तंमि चेव समुद्दे / / कहि णं भंते ! देवसमुद्दगाणं चदाणं चंददीवा णामं दीवा पण्णत्ता ? गोयमा! देवोदगस्स समुद्दस्स पुरथिमिल्लाओ
