________________ 16 अनंगपविट्ठसुत्ताणि रत्ततलतालुजीहा अंजणघणकसिणरुयगरमणिजगिद्धकेसा वामेगकुंडलधरा अद्दचंद'माणुलित्तगत्ता / ईसिंसिलिंधपुप्फप्पगासाइं सुहुमाई असंकिलिहाई वत्थाई पवरपरिहिया वयं च पढमं समइकंता बिइयं च वयं असंपत्ता भद्दे जोवणे वट्टमाणा तलभंगयतुडियपवरभूसणणिम्मलमणिरयणमंडियभुया दसमुद्दामंडियग्गहत्था चूलामणिचिंधगया सुरूवा महिड्ढिया महज्जुइया महब्बला महायसा महासोक्खा महाणुभागा हारविराइयवच्छा कडग-तुडिय-थंमियमुया अंगयकुंडल-मट्ठ-गंडतल-कण्णपीढधारी विचित्तवत्थाभरणा विचित्तमालामउलिमउडा कल्लाणकयपवरवत्थपरिहिया कल्लाणकयपवरमल्लाणुलेवणा भासुरबोंदी पलंबवणमालधरा / दिव्वेणं वण्णेणं दिव्वेणं गंधेणं दिव्वेणं रूवेणं दिव्वेणं फासेणं दिव्वेणं संघाए(घयणे)णं दिव्वेणं संठाणेणं दिव्वाए इड्ढीए दिव्वाए जुत्तीए दिव्वाए पभाए दिव्वाए छायाए दिव्वाए अच्चीए दिव्वेणं तेएणं दिव्वाए लेसाए दस दिसाओ उज्जोवेमाणा पभासेमाणा समणस्स भगवओ महावीरस्स अंतियं आगम्मागम्म स्त्ता समणं भगवं महावीरं तिक्खुत्तो आयाहिणं पयाहिणं करेइ 2 त्ता वंदंति णमंसंति २त्ता(साई 2 णामगोयाई साविति)णच्चासणे 'माइदूरे सुस्सूसमाणा णमंसमाणा अभिमुहा विणएणं पंजलिउडा पज्जुवासंति // 21 // तेणं कालेणं तेणं समएणं समणस्स भगवओ महावीरस्स बहवे असुरिंदवजिया भवणवासी देवा अंतियं पाउब्भवित्था णागपइणो सुवण्णा विज्जू अग्गीया दीवा उदही दिसाकुमारा य पवण-थणिया य भवणवासी गागफडा-गरुलवयरपुण्णकलस(संकिण्ण उफ्फेससीहे)सीहहयगयमगरमउडवद्धमाणगिजुत्तविचित्तचिंधगया सुरूवामहिड्ढिया सेसं तं चेव जाव पज्जुवासंति // 22 // तेणं कालेणं तेणं समएणं समणस्स भगवओ महावीरस्स बहवे वाणमंतरा देवा अंतियं पाउब्भवित्था पिसाया भूया य जक्खरक्खसर्किणरकिंपुरिसभुयगवइयो य महाकाया गंधव्वर्णिकाय(पइ)गणा णिउणगंधव्वगीयरइणो अणपणियपणपण्णियइसिवाईयभूयवाईयकंदियमहाकं दिया य कुहंडपयए य देवा चंचलचवलचित्तकीलणदवप्पिया गंमीरहसियभणियपीयगीयणचणरई वणमालामेलमउडकुंडलसच्छंदविउब्धियाहरणचारुविभूसणधरा सव्वोउयसुरभिकुसुमसुरइयपलंबसोमंतकंतवियसंतचित्तवणमालरइयवच्छा कामगमी कामस्वधारी गाणाविहवण्णरागवरवत्थचित्तचिल्लियणियंसणा विविहदेसीणेवत्थग्गहियवेसा पमुइयकंदप्यकलहकेलिकोलाहलप्पिया हास-बोल(केलि)बहुला अणेग-मणिरयण-विविहणिजुत्तविचित्तचिंधगया सुरूवा महिड्ढिया जाव पज्जुवासंति // 23 // तेणं कालेणं तेणं सम
