Anangpavittha Suttani Padhamo Suyakhandho

SR No.: 004388
Original Sutra Author: N/A
Author: Ratanlal Doshi, Parasmal Chandaliya
Publisher: Akhil Bharatiya Sadhumargi Jain Sanskruti Rakshak Sangh
Publication Year: 1984
Total Pages: 608
Language: Sanskrit
Classification: Book_Devnagari, agam_aupapatik, agam_rajprashniya, agam_jivajivabhigam, & agam_pragyapana
File Size: 11 MB

Page 23

अनंगपविट्ठसुत्ताणि तस्स अविप्पओगस्सइसमण्णागए यावि भवइ / अट्टस्स णं झाणस्स चत्तारि लक्खणा पण्णत्ता, तंजहा-कंदणया सोयणया तिप्पणया विलवणया। रुद्दज्झाणे चउविहे पण्णत्ते, तंजहा-हिंसाणुबंधी मोसाणुबंधी तेणाणुबंधी सारक्खणाणुबंधी,रुद्दस्स णं झाणस्स चत्तारि लक्खणा पण्णत्ता, तंजहा-उसण्णदोसे बहुदोसे अण्णाणदोसे आमरणंतदोसे / धम्म झाणे चउविहे चउप्पडोयारे पण्णत्ते, तंजहा-आणाविजए अवायविजए विवागविजए संठाणविजए / धम्मस्स णं झाणस्स चत्तारि लक्खणा पण्णत्ता, तंजहा-आणानई णिसग्गरुई उवएसरुई सुत्तरुई, धम्मस्स णं झाणस्स चत्तारि आलंबणा पण्णत्ता, तंजहा-वायणा पुच्छणा परियट्टणा धम्मकहा, धम्मस्स णं झाणस्स चत्तारि अणुप्पेहाओ पण्णत्ताओ, तंजहा-अणिच्चाणुप्पेहा असरणाणुप्पेहा एगत्ताणुप्पेहा संसारागुप्पेहा। सुक्कझाणे चउबिहे चउप्पडोयारे पण्णत्ते, तंजहा-पुहुत्तविय के सवियारी 1 एगत्तवियक्के अवियारी 2 सुहुमकिरिए अप्पडिवाई 3 समुच्छिन्नकिरिए अणियट्टी 4, सुक्कस्स णं झाणस्स चत्तारि लक्खणा पण्णत्ता, तंजहा-विवेगे विउसग्गे अव्वहे असम्मोहे, सुक्कस्स णं झाणस्स चत्तारि आलंबणा पण्णत्ता, तंजहा–खंती मुत्ती अजवे मद्दवे, सुक्कस्स णं झाणस्स चत्तारिं अणुप्पेहाओ पण्णत्ताओ, तंजहा-अवायाणुप्पेहा असुभाणुप्पेहा अणंतवित्तियाणुप्पेहा- विप्परिणामाणुप्पेहा, से तं झाणे // से किं तं विउस्सग्गे ? 2 दुविहे पण्णत्ते, तंजहा-दव्वविउस्सग्गे भावविउस्सग्गे य / से किं तं दव्वविउस्सग्गे ? 2 चउविहे पण्णते, तंजहा सरीरविउस्सग्गे गणविउस्सग्गे उवहिविउस्सग्गे भत्तपाणविउस्सग्गे, से तं दव्वविउस्सग्गे, से किं तं भावविउस्सग्गे ? 2 तिविहे पण्णत्ते, तंजहा—कसायविउस्सग्गे संसारविउस्सग्गे कम्मविउस्सग्गे, से किं तं कसायविउस्सग्गे ? 2 चउविहे पण्णत्ते, तंजहा–कोहकसायविउस्सग्गे माणकसायविउस्सग्गे मायाकसायविउस्सग्गे लोहकसायविउस्सम्गे, से तं कसायविउस्सग्गे से किं तं संसारविउस्सग्गे ? 2 चउविहे पण्णत्ते, तंजहा—णेरइयसंसारविउस्सग्गे तिरियसंसारविउस्सग्गे मणुयसंसारविउस्सम्गे देवसंसारविउस्सग्गे, से तं संसारविउस्सग्गे, से किं तं कम्मविउस्सग्गे ? 2 अडविहे पण्णत्ते, तंजहा—णाणावरणिजकम्मविउस्सग्गे दरिसणावरणिजकम्मविउस्सम्गे वेयणीयकम्मविउस्सग्गे मोहणीयकम्मविउस्सग्गे आऊयकम्मविउस्सग्गे णामकम्मविउस्सग्गे गोयकम्मविउस्सग्गे भंतरायकम्मविउस्सग्गे, से तं कम्मविउस्सग्गे, से तं भावविउस्सग्गे, से तं विउस्सग्गे // 19 // तेणं कालेणं तेणं समएणं समणस्स भगवओ महावीरस्स बहवे