________________ अनंगपविट्ठसुत्ताणि ढेइ 2 ता दिव्वं देवदूसजुयलं परिहेइ 2 ता देवसयणिजाओ पच्चोरुहइ 2 त्ता उववायसभाओ पुरथिमेणं दारेणं णिग्गच्छइ 2 त्ता जेणेव हरए तेणेव उवागच्छइ उवागच्छित्ता हरयं अणुपयाहिणं करेमाणे करमाणे पुरस्थिमेणं तोरणेणं अणुप्षविसइ 2 त्ता पुरथिमिल्लेणं तिसोवाणपडिरूवएणं पच्चोरुहइ 2 त्ता हरयं ओगाहइ 2 त्ता जलावगाहणं करेइ 2 त्ता जलमजणं करेइ 2 त्ता जलकिड्डं करेइ 2 त्ता आयंते चोक्खे परमसुइभूए हरयाओ पच्चुत्तरइ 2 त्ता जेणामेव अभिसेयसभा तेणामेव उवागच्छइ 2 त्ता अभिसेयसभं अणुपयाहिणं करेमाणे पुरथिमिल्लेणं दारेणं अणुपविसइ 2 ता जेणेव सए सीहासणे तेणेव उवागच्छइ 2 ता सीहासणवरगए पुरच्छाभिमुहे सण्णिसण्णे | तए णं तस्स विजयस्स देवस्स सामाणियपरिसोववण्णगा देवा आभिओगिए देवे सद्दावेति २.त्ता एवं वयासी-खिप्पामेव भो देवाणुप्पिया ! विजयस्स देवस्स महत्थं महग्धं महरिहं विउलं इंदामिसेयं उवट्ठवेह // तए णं ते आमिओगिया देवा सामाणियपरिसोववण्णेहिं एवं वुत्ता समाणा हट्टतुट्ठ जाव हियया करयलपरिग्गहियं सिरसावत्तं मत्थए अंजलिं कटु एवं देवा तहत्ति आणाए विणएणं वयणं पडिसुणंति २त्ता उत्तरपुरस्थिमं दिसीभागं अवक्कमंति 2 त्ता वेउव्वियसमुग्घाएणं समोहणंति 2 त्ता संखेजाइं जोयणाई दंड णिसरंति तं०-रयणाणं जाव रिट्ठाणं, अहाबायरे पोग्गले परिसाउंति २त्ता अहासुहमे पोग्गले परियायंति २त्ता दोच्चपि वेउब्वियसमुग्घाएणं समोहणंति 2 त्ता अट्ठसहस्सं सोवणियाणं कलसाणं अहसहस्सं रुप्पामयाणं कलसाणं अट्ठसहस्सं मणिमयाणं अट्ठसहस्सं सुवण्णरुप्पामयाणं अट्ठसहस्सं सुवण्णमणिमयाणं अट्ठसहस्सं रुप्पामणिमयाणं असहस्सं भोमेजाणं अट्ठसहस्सं भिंगारगाणं एवं आयंसगाणं थालाणं पाईणं सुपइगाणं चित्ताणं रयणक. रंडगाणं पुष्फचंगेरीणं जाव लोमहत्थचंगेरीणं पुप्फपडलगाणं जाव लोमहत्थगपङलगाणं अट्ठसयं सीहासणाणं छत्ताणं चामराणं अवपडगाणं बगाणं तवसिप्पाणं खोरगाणं पीणगाणं तेल्लसमुग्गयाणं अट्ठसयं धूवकडुच्छुयाणं विउव्वंति ते साभाविए विउविए य कलसे य जाव धूवकडुच्छए य गेण्हंति गेण्हित्ता विजयाओ रायहाणीओ पडिणिक्खमंति 2 ता ताए उक्किठाए जाव उद्धृयाए दिव्वाए देवगईए तिरियमसंखेजाणं दीवसमुद्दाणं मझमज्झेणं वीईवयमाणा 2 जेणेव खीरोए समुद्दे तेणेव उवागच्छंति तेणेव उवागच्छित्ता खीरोदगं गिण्हंति गिण्हित्ता जाई तत्थ उप्पलाई जाव सयसहस्सपत्ताई ताई गिण्हंति 2 त्ता जेणेव पुक्खरोदे समुद्दे तेणेव उवा
