________________ 168 अनंगपविट्ठसुत्ताणि तेसु णं आलिघरएसु जाव आयंसघरएसु बहूई हंसासणाई जाव दिसासोवत्थियासणाइं सबरयणामयाइं जाव पडिरूवाइं / तस्स णं वणसंडस्स तत्थ तत्थ देसे 2 तहिं तहिं बहवे जाइमंडवगा जूहियामंडवगा मल्लियामंडवगा णवमालियामंडवगा वासंतीमंडवगा दधिवासुयामंडवगा सूरिल्लिमंडवगा तंबोलीमंडवगा मुद्दियामंडवगा णागलयामंडवगा अइमुत्तमंडवगा अप्फोयामंडवगा मालुयामंडवगा सामलयामंडवगा (सव्वरयणामया)णिच्चं कुसुमिया णिच्चं जाव पडिरूवा // तेसुण जाइमंडवएसु जाव सामलयामंडवएसु बहवे पुढविसिलापट्टगा पण्णत्ता, तंजहा-अप्पेगइया हंसासणसंठिया अप्पे० कोंचासणसंठिया अप्पे० गरुलासणसंठिया अप्पे० उण्णयासणसंठिया अप्पे० पणयासणसंठिया अप्पे० दीहासणसंठिया अप्पे० भद्दासणसंठिया अप्पे० पक्खासणसंठिया अप्पे० मगरासणसंठिया अप्पे० उसभासणसंठिया अप्पे० सीहासणसंठिया अप्पे० पउमासणसंठिया अप्पे० दिसासोत्थियासणसंठिया० प० तत्थ बहवे वरसयणासणविसिट्ठसंठाणसंठिया पण्णत्ता समणाउसो ! आइण्णगरूयबूरणवणीयतूलफासा मउया सव्वरयणामया अच्छा जाव पडिरूवा / तत्थ णं बहवे वाणमंतरा देवा देवीओ य आसयंति सयंति.चिट्ठति णिसीयंति तुयटॅति रमंति ललंति किलंति मोहंति पुरापोराणाणं सुचिण्णाणं सुपरिकंताणं सुभाणं कल्लाणाणं कडाण कम्माणं कल्लाणं फलवित्तिविसेसं पच्चणुब्भवमाणा विहरति / तीसे णं जगईए उप्पिं अंतो पउमवरवेइयाए एत्थ णं एगे महं वणसंडे पण्णत्त देसूणाई दो जोयणाई विक्खंभेणं वेइयासमएणं परिक्खेवेणं किण्हे किण्होभासे वणसंडवण्णओ मणितणसहविहणो णेयव्वो, तत्थ णं बहवे वाणमंतरा देवा देवीओ य आसयंति सयंति चिट्ठति णिसीयंति तुयटॅति रमंति ललंति कीडंति मोहंति पुरा पोराणाणं सुचिण्णाणं सुपरिवंताणं सुभाणं कल्लाणाणं कडाणं कम्माणं कल्लाणं फलवित्तिविसेसं पञ्चणुब्भवमाणा विहरंति // 127 // जंबुद्दीवस्स णं भंते ! दीवस्स कइ दारा पण्णत्ता ? गोयमा ! चत्तारिदारा पण्णत्ता, तंजहा-विजए वेजयंते जयंते अपराजिए॥१२८॥ कहि णं भंते ! जंबुद्दीवस्स दीवस्स विजए णामं दारे पण्णत्ते ? गोयमा ! जंबुद्दीवे दीवे मंदरस्स पव्वयस्स पुरथिमेणं पणयालीसं जोयणसहस्साइं अबाहाए जंबुद्दीवे दीवे पुरच्छिमपेरंते लवणसमुद्दपुरच्छिमद्धस्स पचत्थिमेणं सीयाए महाणईए उप्पिं एत्थ णं जंबुद्दीवस्स दीवस्स विजए णामं दारे पण्णत्ते अट्ट जोयणाई उड्ढं उच्चत्तेणं चत्तारि जोयणाइं विक्खंभेणं तावइयं चेव पवेसेणं सेए वरकणगथूभियागे ईहामि
