________________ 166 अनंगपविट्ठसुत्ताणि मणुण्णा कण्णमणणिव्वुइकरा सव्वओ समंता सद्दा अभिणिस्सर्वति, भवे एयारूवे सिया ?, णो इणढे समढे, से जहाणामए-वेयालियाए वीणांए उत्तरमंदामुच्छ्यिाए अंके सुपइट्ठियाए चंदणसारकोणपरिघट्टियाए कुसलणरणारिसंपगहियाए पओसपच्चूसकालसमयंसि मंद मंदं एइयाए वेइयाए खोभियाए उदीरियाए ओराला मणुण्णा कण्णमणणिन्बुइकरा सव्वओ समंता सद्दा अभिणिस्सपंति भवे एयारूवे सिया ?, णो इणढे समढे, से जहाणामए-किण्णराण वा किंपुरिसाण वा महोरगाण वा गंधव्वाण वा भद्दसालवणगयाण वा गंदणवणगयाण वा सोमणसवणगयाण वा पंडगवणगयाण वा हिमवंतमलयमंदरगिरिगुहसमण्णागयाण वा एगओ सहियाणं संमुहागयाणं समुविट्ठाणं संणिविट्ठाणं पमुइयपक्कीलियाणं गीयरइगंधव्वहरिसियमणाणं गेजं पजं कत्थं गेयं पयविद्धं पायविद्धं उक्खित्तयं पवत्तयं मंदायं रोइयावसाणं सत्तसरसमण्णागयं अहरससुसंपउत्तं छद्दोसविप्पमुक्कं एकारसगुणालंकारं अटुंगुणोववेयं गुंजतवंसकुहरोवगूढं रत्तं तिट्ठाणकरणसुद्धं महुरं समं सुललियं सकुहरगुंजंतवंसतंतीतलताललयम्गहसुसंपउत्तं मणोहरं मउयरिभियपयसंचारं सुरई सुणई वरचारुरुवं दिव्वं णटें सजं गेयं पगीयाणं, भवे एयारूवे सिया?, हंता गोयमा! एवंभूए सिया॥१२६॥ तस्स णं वणसंडस्स तत्थ 2 देसे 2 तहिं 2 बहवे खुड्डाखुड्डियाओ वावीओ पुक्खरिणीओ गुंजालियाओ दीहियाओ(सरसीओ)सरपंतियाओ सरसरपंतीओ बिलपंतीओ अच्छाओ सहाओ रययामयकूलाओ वइरामयपासाणाओ तवणिजमयतलाओ वेरुलियमणिफालियपडलपच्चोयडाओ णवणीयतलाओ सुवण्णसुन्भ(ज्झ)रययमणिवालुयाओ सुहोया. रासुउत्ताराओ णाणामणितित्थसुबद्धाओ चाउ(चउ)कोणाओ समतीराओ आणुपुव्वसुजायवप्पगंभीरसीयलजलाओ संछण्णपत्तभिसमुणालाओ बहुउप्पलकुमुयणलिणसुभगसोगंधियपोंडरीयसयपत्तसहस्सपत्तफुल्लकेसरोवइयाओ छप्पयपरिभुजमाणकमलाओ अच्छविमलसलिलपुण्णाओ परिहत्थभमंतमच्छकच्छमअणेगसउणमिहुणपरि चरियाओ पत्तेयं पत्तेयं पउमवरवेइयापरिक्खित्ताओ पत्तेयं पत्तेयं वणसंडपरिक्खित्ताओ अप्पेगइयाओ आसवोदाओ अप्पेगइयाओ वारुणोदाओ अप्पेगइयाओ खीरोदाओ अप्पेगइयाओ घओदाओ अप्पेगइयाओ (इक्खु)खोदोदाओ(अमयरससमरसोदाओ)अप्पेगइयाओ पगईए उदग(अमय)रसेणं पण्णत्ताओ पासाईयाओ 4, तासि णं खुड्डियाणं वावीणं जाव बिलपंतियाणं तत्थ 2 देसे 2 तहिं 2 जाव बहवे तिसोवाणपडिरूवगा पण्णत्ता / तेसि णं तिसोवाणपडिरूवगाणं अयमेयारूवे वण्णावासे
