________________ 188 अनंगपविट्ठसुत्ताणि परिसाए कइ देवसहस्सा ? मज्झिमियाए परिसाए कइ देवसहस्सा जाव बाहिरियाए परिसाए कइ देविसया पण्णत्ता ?, गोयमा ! बलिस्सणं वइरोयणिंदस्स 2 अभितरियाए परिसाए वीसं देवसहस्सा पण्णत्ता, मज्झिमियाए परिसाए चउवीसं देवसहस्सा पण्णत्ता, बाहिरियाए परिसाए अट्ठावीसं देवसहस्सा पण्णत्ता, अभितरियाए परिसाए अद्धपंचमा देविसया पण्णत्ता, मज्झिमियाए परिसाए चत्तारि देविसया पण्णत्ता, बाहिरियाए परिसाए अधुट्ठा देविसया पण्णत्ता, बलिस्स"ठिईए पुच्छा जाव बाहिरियाए परिसाए देवीणं केवइयं कालं ठिई पण्णत्ता ?, गोयमा ! बलिस्स णं वइरोयणिंदस्स 2 अभितरियाए परिसाए देवाणं अछुट्टपलिओवमा ठिई पण्णत्ता, मज्झिमियाए परिसाए तिण्णि पलिओवमाइं ठिई पण्णत्ता, बाहिरियाए परिसाए देवाणं अड्ढाइजाई पलिओवमाइं ठिई पण्णत्ता, अभितरियाए परिसाए देवीणं अड्ढाइजाई पलिओवमाई ठिई पण्णत्ता, मज्झिमियाए परिसाए देवीणं दो पलिओवमाइं ठिई पण्णत्ता, बाहिरियाए परिसाए देवीणं दिवड्डे पलिओवमं ठिई पण्णत्ता, सेसं जहा चमरस्स असुरिंदस्स असुरकुमाररण्णो // 119 // कहि णं भंते ! णागकुमाराणं देवाणं भवणा पण्णत्ता ? जहा ठाणपए जाव दाहिणिल्लाणि पुच्छियव्वा जाव धरणे इत्थ णागकुमारिंदे णागकुमारराया परिवसइ जाव विहरइ // धरणस्स णं भंते ! णागकुमारिंदस्स णागकुमाररण्णो कइ परिसाओ प० 1 गोयमा ! तिण्णि परिसाओ, ताओ चेव जहा चमरस्स / धरणस्स णं भंते ! णागकुमारिंदस्स णागकुमाररण्णो अभितरियाए परिसाए कइ देवसहस्सा पण्णत्ता जाव बाहिरियाए परिसाए कइ देविसया पण्णत्ता ?, गोयमा ! धरणस्स णं णागकुमारिंदस्स णागकुमाररणो अभितरियाए परिसाए सटुिं देवसहस्साई मज्झिमियाए परिसाए सत्तरं देवसहस्साई बाहिरियाए परिसाए असीइदेवसहस्साई अभितरपरिसाए पण्णत्तरं देविसयं पण्णत्तं, मज्झिमियाए परिसाए पण्णासं देविसयं पण्णत्तं, बाहिरियाए परिसाए पणवीसं देविसयं पण्णत्तं / धरणस्स णं रण्णो अभितरियाए परिसाए देवाणं केवइयं कालं ठिई पण्णत्ता ? मज्झिमियाए परिसाए देवाणं केवइयं कालं ठिई पण्णत्ता ? बाहिरियाए परिसाए देवाणं केवइयं कालं ठिई पण्णत्ता ? अभितरियाए परिसाए देवीणं केवइयं कालं ठिई पण्णत्ता ? मज्झिमियाए परिसाए देवीणं केवइयं कालं ठिई पण्णत्ता ? बाहिरियाए परिसाए देवीणं केवइयं कालं ठिई.पण्णत्ता ?, गोयमा! धरणस्स० रणो अभितरियाए परिसाए देवाणं साइरेगं अद्धपलिओवमं ठिई पण्णत्ता,
