________________ 178 अनंगपविटुसुत्ताणि पीणरइयपासा अकरुंडुयकणगरुयगणिम्मलसुजायणिरुवहयदेहधारी पसत्थबत्तीसलक्खणधरा कणगसिलायलुजलपसत्थसमतलोवचियविच्छिण्णपिहुलवच्छा सिरिवच्छंकियवच्छा पुरवरफलिहट्टियभुया भुयगीसरविउलभोगआयाणफलिहउच्छूढदीहबाहू जूयसण्णिभपीणरइयपीवरपउट्ठसंठियसुसिलिट्ठविसिट्ठघणथिरसुबद्धसुणिगूढपव्वसंधी रत्ततलोवइयमउयमंसलपसत्थलक्खणसुजायअच्छिद्दजालपाणी पीवरवट्टियसुजायकोमलवरंगुलीया तंबतलिणसुइरुइरणिद्धणक्खा चंदपाणिलेहा सूरपाणिलेहा संखपाणिलेहा चक्कपाणिलेहा दिसासोत्थियपाणिलेहा चंदसूरसंखचक्कदिसासोत्थियपाणिलेहा अगेगवरलक्खणुत्तमपसत्थसुइरइयपाणिलेहा वरमंहिसवराहसीहसदलउसभणागवरपडिपुण्णविउलउण्णयमइंदखंधा चउरंगुलसुम्पमाणकंबुवरसरिसगीवा अवट्टियसुविभत्तसुजाय-चित्तमंसूमंसलसंठियपसत्थ-सदूलविपुलहणुया. उवचियसिलम्पवालबिंबफलसण्णिभाहरोट्ठा पंडुरससिसगलविमलणिम्मलसंखगोखीरफेणदगरयमुणालिया धवलदंतसेढी अखंडदंता अफुडियदंता अविरलदंता सुजायदंता एगदंतसेढिव्व अणेगदंता हयवहणिद्धतधोयतत्ततवणिजरत्ततलतालुजीहा गरुलाययउज्जुतुंगणासा अवदालियपोंडरीयणयणा कोयासियधवलपत्तलच्छा आणामियचावरुइलकिण्हपूराइयसंठियसंगयआययसुजायतणुकसिणणिद्धभुमया अल्लीणप्पमाणजुत्तसवणा सुस्सवणा पीणमंसलकवोलदेसभागा अचिरुग्गयबालचंदसंठियपसत्थविच्छिण्णसमणिडाला उडुवहपडिपुण्णसोमवयणा छत्तागारुत्तमंगदेसा घणणिचियसुबद्धलक्खणुण्णयकूडागारणिभपिंडियसीसे दाडिमपुप्फपगासतवणिजसरिसणिम्मलसुजायकेसंतकेसभूमी सामलिबोंडघणणिचियछोडियमिउविसयपसत्थसुहुमलक्खणसुगंधसुंदरभुयमोयगभिंगि-णीलकजलपहट्ठभमरगणणिद्धणिउरुंबणिचियकुंचियचियपयाहिणावत्तमुद्धसिरया लक्खणवंजणगुणोववेया सुजायसुविभत्तसुरूवगा पासाईया दरिसणिजा अभिरूवा पडिरूवा। तेणंमणुया ओहस्सरा हंसस्सरा कोंचस्सरा० णंदिघोसा सीहस्सरा सीहघोसा मंजुस्सरा मंजुघोसा सुस्सरा सुस्सरणिग्योसा छायाउन्जोइयंगमंगा वजरिसहणारायसंघयणा समचउरंससंठाणसंठिया सिणिद्वछवि णिरायंका उत्तमपसत्थअइसेसणिरुवमतणू जल्लमलकलंकसेयरय. दोसवजियसरीरा णिरुवलेवा अणुलोमवाउवेगा कंकग्गहणी कवोयपरिणामा खउणिव्व पोसपिटुंतरोरुपरिणया विग्गहियउण्णयकुच्छी पउमुप्पलसरिसगंधणिस्साससुरभिवयणा अट्ठधणुसयं ऊसिया, तेसिं मणुयाणं चउसट्टि पिट्टिकरंडगा पणत्ता समणाउसो !, ते णं मणुया पगइभद्दगा पगइविणीयगा पगइउवसंता पगइपयणुकोहमाणमायालोभा
